Este xoves, contamos cunha actividade de contacontos e xogos para Infantil, 1º, 2º, 3º e 4º de Primaria por parte da organización en apoio a nenos e nenas con cancro, Bicos de Papel. Pasámolo xenial!
Esta semana pasada visitáronnos os grandes regueifeiros Pinto e Caruncho. Este foi o primeiro obradoiro desta actividade organizada desde Normalización Lingüística do Concello de Vigo. Nesta sesión, o noso alumnado coñeceu a orixe desta arte de improvisación oral en verso e puideron practicar o aprendido. Coma sempre, esta actividade está chea de humor, risas e o mellor ambiente!!
O martes 26 de marzo o colexio foi distinguido co galardón de Vigués Distinguido polos 50 anos de labor docente. Desde aquí desexamos dar as grazas aos docentes que desde aquel lonxano ano traballaron por levar a cultura ao barrio do Calvario, aos pais que confiaron en nós a formación dos novos cidadáns e a todos os alumnos, algúns xa avós, que pasaron polo colexio, sen os cales non seríamos máis ca un edificio sen alma. Por todos eles vai—
O curso vai avanzando e os nosos maiores do colexio pasaron varios días en Diver Lanhoso como viaxe de fin de etapa. Certamente, foron unhas xornadas de convivencia repletas de actividades que non esquecerán.
