Aprendemos sobre seguridade informática

Os nosos maiores participaron nun obradoiro sobre seguridade informática e hacking ético, organizado polo Servizo de Normalización Lingüística do Concello de Vigo.

O relator, Kike Fontán, cunha linguaxe moi próxima para o alumnado, tratou temas moi actuais relacionados coa seguridade informática. Falou con eles de ciberseguridade, descubriron comportamentos perigosos que manteñen ao usar as redes sociais e descubriron as medidas de seguridade que deben tomar cando empregan un dispositivo electrónico. Así  mesmo, incidiu na importancia de preservar a identidade virtual e deu técnicas para protexer os datos.

Estes obradoiros prácticos, de temática tan próxima para os adolescentes, fan que gocen coa aprendizaxe.

Esperemos que poñan en práctica todo o que traballaron!

Comments are closed