Home Archive by category "Actividades" (Page 12)

Category Archives: Actividades

Celebración musical do Día das Letras Galegas

Algúns dos nosos alumnos e alumnas quixeron achegarse á figura de Xela Arias dun xeito moi próximo a eles, isto é, a través dun vídeo. Escoitamos moitas cancións creadas a partir de poemas desta autora, ata que nos decidimos por Intempériome, de A banda da Loba. Analizamos os versos, identificámonos con eles e sentímolos. E, a seguir, as ideas para o baile foron xurdindo desta xente nova, o futuro da nosa lingua. Podedes premer na seguinte ligazón para gozar con—

Ler máis

Semana do Libro

O 23 de abril celébrase o Día do Libro e nós non quixemos deixar pasar esta data tan importante. Realizamos diferentes actividades ao longo de dúas semanas: lecturas compartidas, contacontos, creación de marcapáxinas, recomendacións literarias… Velaquí tedes unha pequena mostra do traballo desenvolvido, só tedes que premer no seguinte texto: actividades polo Día do Libro. Animámosvos a seguir voando e imaxinando coas mellores lecturas!

Xogos de lingua (2.ª parte)

Tal e como vos indicamos na anterior entrada da páxina web, aquí temos a segunda parte do noso traballo “Xogos de lingua”. Queremos que gocedes co vídeo tanto como o fixo o noso alumnado aprendendo os trabalinguas e coñecendo as linguas dos seus compañeiros e compañeiras. Agora só nos queda seguir transmitindo e espallando as nosas linguas propias, para xogar, para aprender, para comunicármonos, para amosar a nosa realidade. Podedes premer a seguir e comezará o vídeo: Xogos de lingua—

Ler máis

Xogos de lingua, Equipo de Dinamización Lingüística

O Equipo de Dinamización Lingüística do colexio lanzou unha proposta a todo o alumnado do centro para poñer en valor as súas linguas maternas. Debían compartir un trabalinguas, unha frase feita, un recitado… na lingua da súa casa. Agora imos amosarvos a primeira entrega destes “Xogos de lingua”. Esperamos que vos guste. Xogos de lingua I En breve, poderedes ver o resto dos participantes.