Saída do alumnado de secundaria

O curso xa está chegando á súa fin e o alumnado de secundaria saíu pasar unha xornada de convivencia ata o parque de aventuras Marikiná Park. Nun espazo natural incrible, atravesaron pontes colgantes, lanzáronse en tirolinas, saltaron con lianas… e fixeron medrar os seus vínculos de amizade. Despois desta intensa mañá, fomos ao parque forestal de Beade onde xa puideron descansar.  

Campamento de verán

Desde o 26 de xuño ao 28 de xullo, o Club Deportivo Seung Sport de taekwondo organiza nas instalacións do noso colexio un divertido campamento de verán. Os máis pequenos poderán gozar de numerosas actividades e facer novas amizades. O alumnado do colexio beneficiarase do prezo reducido, coma se fose socio do club de taekwondo. Se precisades máis información, non dubidedes en contactar no teléfono ou enderezo electrónico indicados no cartel.

Visita de Andrea Maceiras

Na xornada de hoxe recibimos a visita tan esperada de Andrea Maceiras. Achegouse ao colexio para falar co noso alumnado de 1.º, 2.º e 3.º da ESO sobre as súas obras A folla azul e Europa Express. Comezamos cunha viaxe ata a Amazonia, durante a que visitamos terras e coñecemos tribos, costumes, fauna e flora. Revivimos momentos únicos das protagonistas de A folla azul e presentounos a tribo que lle serviu de inspiración. A seguir, continuamos cun percorrido en interraíl por—

Ler máis

Orgullo Galego con nós

O alumnado de 3.º da ESO tivo a oportunidade de escoitar a Borxa, de Orgullo Galego. Esta comunidade comparte e difunde contidos relacionados con Galicia, a súa cultura, tradicións, curiosidades, lugares interesantes… Borxa, desta volta, veu para falar de redes sociais en galego, do uso do galego en Internet e de que o galego é unha lingua coa que se pode chegar a todo o mundo. Moitas grazas por amosar esta realidade ao noso alumnado!