Este curso participamos no XVI Concurso de redacción e poesía que organiza todos os anos a Asociación de Veciños de San Roque co gallo do Día das Letras Galegas. Moitos dos nosos alumnos e alumnas animáronse a escribir. E hoxe tivo lugar a entrega de premios. Parabéns a todos e a todas, animámosvos a seguir lendo e escribindo.
O alumnado de 3.º e 4.º da ESO participou dos encontros virtuais organizados polo Centro de Documentación e Recursos Feministas e a Concellería de Igualdade de Vigo. Participaron nas charlas con Andrea Maceiras e Ledicia Costas, nas que falaron sobre literatura, as súas influencias ou como comezaron a escribir.
Este ano 2023, dedícaselle o Día das Letras Galegas a Francisco Fernández del Riego, intelectual, editor, escritor e gran mantedor da nosa cultura. Ademais de coñecer esta persoa e afondar no seu traballo, decidimos traballar a fraseoloxía e o léxico de noso. Enfocámolo desde unha óptica creativa, na que o alumnado puido facer un deseño dunha camiseta na que plasmase algunha frase feita das traballadas. Hoxe xuntámonos para compartir estes traballos e algunhas destas frases. Aquí vos deixamos unhas imaxes—
Esta semana tivo lugar a entrega de distincións do XIV Certame de Pintura de Vigolandia. Unha das nosas alumnas foi galardoada e acudiu á cita co alcalde. Parabéns a todo o alumnado pola creatividade e orixinalidade dos seus traballos.
Durante a semana do 17 ao 23 de abril, fixemos diferentes actividades a propósito da celebración do Día do Libro.Lanzamos, ao alumnado de secundaria, tres propostas para que escollesen: a creación dun perfil literario en Instagram, un bookface ou unha escena literaria. Neste vídeo, podedes ver o resultado: Tamén se organizou un obradoiro sobre a orixe da escritura, diferentes tipos de escritura (cuneiforme, xeroglífica…), etcétera. Felices lecturas a todos e a todas!
O alumnado de 4º ESO participou no programa da Xunta de Galicia: Iniciación segura á pegada dixital e ás redes sociais, onde se lles explicou que é iso da pegada dixital e como facer bo uso da rede. Xa que o uso das TIC é inevitable e necesario, non está de máis que coñezamos que toda acción en Internet deixa unha pegada permanente e actuemos en consecuencia. Antes de publicar algo, pensa cinco minutos se é tan importante. E logo,—
Semana Santa - Non lectivo
Probas de pendentes de ESO
Semana do Libro