Día da Paz na ESO

O 30 de xaneiro conmemórase o Día Escolar da Non-Violencia e a Paz (Journée scolaire de la Non-Violance et de la Paix). Traballamos na clase de francés coa canción On ira, de Zaz, para reafirmar que a nosa felicidade existe grazas á diversidade e ás nosas diferenzas, esa é a nosa sorte! E aquí vos deixamos un vídeo no que o alumnado imitou o vídeo desta cantante decorando as fiestras:

Despedida do curso 2020-21

 

Cando xa quedan poucos días para vernos de novo, queremos compartir convosco un vídeo de como despediron o curso os nosos alumnos e alumnas de primaria o pasado xuño. Aproveitamos esta oportunidade para saudarvos de novo e agradecervos novamente a vosa colaboración; e desexamos que, no curso que empezamos en breve, podamos volver ver de novo esas cariñas que nos dan tantas alegrías.

Graduación ESO

Comezaron, algúns, deambulando desconfiados polos corredores cando a crise de 2008, lembrades?, pero a eles non lles importaba ese palabro nin falta que facía. E aí os tedes, despedíndose xa de nós. Despois chegaron outros que encheron o noso pequeno mundo con historias de Bolivia, da República Dominicana, de Brasil, de Colombia, de Marrocos e de aquí tamén. E nós, que lles agradecemos de corazón que nos axudasen a eliminar as miopías dos patrioterismos e nacionalismos. E agora é tempo—

Ler máis

Concurso de Poesía

Este curso, con motivo do Día das Letras Galegas, o Equipo de Dinamización Lingüística organizou un concurso de poesía para o alumnado. Traballouse o xénero lírico, as emocións, imitáronse poemas de Xela Arias e leuse moita poesía para inspirar os nosos futuros poetas. A seguir podedes ler as composicións premiadas: Concurso de Poesía.  

Quen foi Xela Arias?

Ademais de traballar os textos de Xela Arias na clase e escribir poesía coma ela, apeteceunos realizar unha actividade ao aire libre co grupo de 1.º da ESO. Preparamos unhas pistas e, a modo de xogo, o alumnado puido descubrir momentos importantes da vida desta autora e moitos dos seus logros. A seguir podedes ver unha pequena mostra desta actividade, só tedes que premer a continuación: Coñecendo a Xela Arias.

Celebración musical do Día das Letras Galegas

Algúns dos nosos alumnos e alumnas quixeron achegarse á figura de Xela Arias dun xeito moi próximo a eles, isto é, a través dun vídeo. Escoitamos moitas cancións creadas a partir de poemas desta autora, ata que nos decidimos por Intempériome, de A banda da Loba. Analizamos os versos, identificámonos con eles e sentímolos. E, a seguir, as ideas para o baile foron xurdindo desta xente nova, o futuro da nosa lingua. Podedes premer na seguinte ligazón para gozar con—

Ler máis