Semana do Libro

O 23 de abril celébrase o Día do Libro e nós non quixemos deixar pasar esta data tan importante. Realizamos diferentes actividades ao longo de dúas semanas: lecturas compartidas, contacontos, creación de marcapáxinas, recomendacións literarias… Velaquí tedes unha pequena mostra do traballo desenvolvido, só tedes que premer no seguinte texto: actividades polo Día do Libro. Animámosvos a seguir voando e imaxinando coas mellores lecturas!

A ESO tamén entroidou

O Entroido tamén se deixou notar nos cursos dos maiores. Non foi coma outros anos, pero algúns dos nosos alumnos e alumnas maiores tamén quixeron seguir as ordes do meco e o venres ata viñeron co seu mellor traxe para… si, para descansar. Aínda que tiveron que traballar coma outros días, non quixeron deixar escapar esta data tan nosa. E para mostra, aquí vos deixamos unhas imaxes: