Contacontos “Rapunzel con piollos”

Hoxe o alumnado de Educación Infantil, primeiro e segundo de Educación Primaria, gozou dun divertido contacontos, a partir do título “Rapunzel con piollos”.

Grazas a esta obra, descubrimos como unha ringleira de personaxes de contos clásicos intentan por quendas axudar á pobre Rapunzel que ten a cabeza chea de piollos! Trátase dunha dinámica e divertida historia coa que pasamos un bo rato.

Alumnado de Educación Infantil, primeiro e segundo de Educación Primaria durante a narración

Ademais, o especialista en contacontos agasallounos con dous entretidos contos que tiñan como protagonistas a dúas alumnas do cole: Ainhoa de segundo de Primaria e Elena da clase de tres anos.

Rematado cada un dos contos, tivemos a oportunidade de ver cómo o narrador ilustraba en directo as historias que acababamos de escoitar. Qué máis se pode pedir?

Ilustracións do “Conto de Ainhoa” e o “Conto de Elena”

Sempre é un luxo escoitar contos, e máis se é da man de contacontos expertos como o que nos acompañou hoxe.

Comments are closed