Os leonciños visitan Gadis

Hoxe, os nosos leonciños e leonciñas participaron na campaña ALIMENTES, na que se traballa sobre alimentación saudable, vida activa e consumo responsable. Esta campaña está impulsada desde a empresa GADIS, que organiza unha visita guiada polos diferentes sectores dun supermercado, cunha guía que lles vai ofrecendo información axeitada para estas idades.

Tamén repasaron ideas xa traballadas na aula relacionadas cos produtos que están presentes na pirámide dos alimentos, desde un enfoque lúdico.

Os nosos leonciños quedaron con algunhas ideas ben claras: deben consumir variedade de alimentos; hai que afacerse a tomar produtos frescos; a auga é a mellor bebida; o consumo de lambetadas ou refrescos debe ser esporádico; cómpre manter unha actividade física diaria; durmir ben é fundamental; e, sobre todo, rir moito.

Desde o colexio queremos transmitirlle ao noso alumnado o importante que é manter unha alimentación saudable, e nós estamos aí para que o logren.

Comments are closed