Esta semana pasada visitáronnos os grandes regueifeiros Pinto e Caruncho. Este foi o primeiro obradoiro desta actividade organizada desde Normalización Lingüística do Concello de Vigo. Nesta sesión, o noso alumnado coñeceu a orixe desta arte de improvisación oral en verso e puideron practicar o aprendido. Coma sempre, esta actividade está chea de humor, risas e o mellor ambiente!!
Tras dous obradoiros cos mestres da regueifa Luis O Caruncho e Pinto d’Herbón, e as xuntanzas do grupo de regueifeiros e regueifeiras do Quiñones de León, acudimos ao IV Certame Escolar Provincial de Regueifas, grazas á organización da Deputación de Pontevedra, a Asociación ORAL de Galicia e ao CVC de Valadares. Alí compartimos unha xornada entre versos improvisados, risas e aplausos. Estamos orgullosos do noso alumnado, pola súa dedicación e por todo o que amosaron enriba do escenario! E tamén—
A semana pasada o grupo de 1.º da ESO puido coñecer o gran regueifeiro Luis O Caruncho. Aprenderon sobre a orixe das regueifas e a súa presenza en diversos países. E tamén cantaron e crearon as súas propias coplas. Agora estamos impacientes a que chegue a data da seguinte sesión!
O alumnado de 5.º e 6.º de primaria recibiu a visita dos regueifeiros Pinto e Caruncho. Ensináronlle ao noso alumnado a orixe das regueifas, a súa presenza ao longo do planeta e como se compoñen estas coplas, acompañados do son da zanfona. Despois déronlles algunhas directrices para que puidesen atreverse a facer as súas primeiras coplas e… aquí hai futuro!! Cantaron todos xuntos e despois tamén se atreveron a facelo de xeito individual. Este foi só un primeiro achegamento a—
A pasada semana volveu visitarnos Luís O Caruncho. Xuntámonos con el para seguir traballando a técnica da improvisación oral en verso. E desta volta si, xa nos animamos a cantar! Aquí seguiremos practicando á espera de poder vernos pronto!
Esta semana tivemos a inmensa sorte de contar no noso centro coa presenza do regueifeiro Luís O Caruncho. Dirixiu o primeiro dos obradoiros de regueifas organizado pola Deputación de Pontevedra. Aprendemos que son as regueifas, a súa orixe, como se compoñen… E o noso alumnado tamén improvisou as súas coplas.
