Obradoiro de regueifas: 2.ª sesión

A semana pasada tivemos a visita de dous grandes regueifeiros no noso cole: Pinto de Herbón e Kike Estévez, dous grandes referentes da improvisación oral en galego. Esta segunda sesión foi completamente práctica para o noso alumnado. Comezaron practicando o ritmo facendo as súas presentacións, cantando sobre cidades ou sobre os seus deportes preferidos. A seguir, deixaron escapar a súa creatividade e comezaron a cantar as súas coplas, a partir das indicacións de Pinto de Herbón e de Kike Estévez.—

Ler máis

O Quiñones regueifando

O noso alumnado de 1.º e 3.º da ESO ten a oportunidade de participar no obradoiro de regueifas impulsado polo SNL do Concello de Vigo e dirixido polos grandes mestres Luís “O Caruncho” e Pinto de Herbón. Este obradoiro consta de dúas sesións formativas (e lúdicas, por suposto) e a participación no Certame de regueifas. Hoxe asistimos á primeira destas sesións, que deu comezo con moita expectación por parte dos rapaces e das rapazas. Os regueifeiros, tras presentarse, ofreceron unha excelente—

Ler máis

X Certame Escolar de Regueifas

O 27 de abril tivo lugar o X Certame Escolar de Regueifas, no que tivemos a sorte de participar. En representación do Quiñones de León, estiveron estas cinco regueifeiras e este regueifeiro que ían con moitas ganas de gozar da experiencia e pasalo moi ben. Este xeitoso grupo nunca tivera relación coas regueifas antes de asistir aos dous obradoiros no colexio guiados por Luís o Caruncho e Pinto d’Herbón. No segundo obradoiro decidiuse que serían Paula, Ananda, Laura, Delia, Carla—

Ler máis

Regueifando coa ESO

Certamente, o peche deste segundo trimestre foi ben movido. Os grupos de 2.º e 3.º da ESO tiveron a oportunidade de coñecer, da man de Pinto d’Herbón e Luís O Caruncho, que son as regueifas. Tras un repaso sobre a orixe das regueifas e dos diferentes nomes cos que as podemos atopar ao longo do planeta, comezamos a practicar o ritmo e a rima. Unha vez interiorizado o ritmo, cantando as coplas canda eles; foi o noso momento de crear.—

Ler máis