Tarefa 3 do proxecto “Nós tamén creamos”

E seguimos avanzando no noso proxecto “Nós tamén creamos”. A última tarefa que entregamos foi a creación do guión gráfico do libro elixido: A pota que trota.

Os alumnos e as alumnas que participan neste proxecto son de 2.º de primaria, así que despois de ler de novo o conto, procedemos a explicarlles en que consiste un guión gráfico e o necesario que é este para poder gravar despois o noso vídeo.

Puxéronse mans á obra e cada un deles deseñou o seu propio guión.

O resultado foi magnífico: amosaron unha gran creatividade que esperamos que non perdan nunca.

E agora queda o mellor, temos que ir escollendo as mellores ideas para elaborarmos o guión definitivo sobre o que traballaremos.

Comments are closed