O pasado 8 de marzo celebrouse o Día internacional da Muller, polo que ao longo desta semana estivemos desenvolvendo diferentes actividades, adaptadas á idade de casa curso, para traballar a devandita data.
Cos máis pequenos centramos ditas actividades ao redor da figura materna.
O alumnado de 1º de Primaria, elaborou un diploma que sabemos de certo está ben merecido; o alumnado de 2º de Primaria, traballou sobre a idea dos súper poderes incomprensibles que posúen as súas nais, tal e como demostran nos seus debuxos.
Alumnado de 1º de Ed. Primaria elaborando os diplomas
Ditas ideas xurdiron por mor de ler en clase “Grandes mulleres que cambiaron o mundo”, onde presentase a vida de moitas mulleres dunha maneira moi próxima e motivadora para a súa idade.
En 2º de Primaria, ademais achegáronse un pouco á Figura de Frida Kahlo, ao dedicar unha actividade especial a ela.
Alumnado de 2º de Ed. Primaria levando a cabo a actividade sobre Frida Kahlo
Na materia de lingua inglesa, abordouse o tema enfocándoo desde o mundo laboral, de novo con actividades adaptadas a cada idade, desde unha sopa de letras cos pequenos onde vemos que todos os traballos poden ser desempeñados por homes e mulleres por igual, ata un listening en 4º de primaria sobre a canción “I ain’ t your mamma” de Jennifer López onde se pode observar distintas escenificacións do mundo laboral feminino desde os anos 50 ata o de agora e aqueles problemas que eran típicos entón e esperemos que pronto deixen de selo en todos os ambientes laborais.
Exemplos das actividades da materia de lingua inglesa
En cursos máis altos, o traballo centrouse, tamén a través da lectura de vidas inspiradoras de mulleres; e o alumnado de 5º de Ed. Primaria elaborou unha grilanda sobre o tema que pendurou do teito.
Utilizáronse neste caso os libros “Cuentos de buenas noches para niñas rebeldes: 100 historias de mujeres extraordinarias” da Ed. Planeta e o cómic “Científicas; pasado, presente y futuro” adaptación da obra de teatro homónima galardoada no 2017 e 2018.
Alumnado de 5º de Ed. Primaria traballando sobre as lecturas
Podedes ver un fragmento das devanditas lecturas no seguinte vídeo.
Lecturas inspiradoras sobre mulleres extraordinarias
Ademais non quixemos deixar pasar a oportunidade de render homenaxe a todas aquelas persoas, que están a nos axudar nesta crise sanitaria co seu traballo diario; pero en especial a aquelas mulleres (enfermeiras, doutoras e investigadoras) xa que, moi probablemente, non todas elas fágano en igualdade de dereitos e retribucións simplemente polo feito de ser mulleres. Para todas esas persoas, homes e mulleres, a nosa versión do aplauso fóra dos nosos balcóns. Cada neno e nena, desde Ed. Infantil a Primaria, contribuíu co seu traballo á elaboración do mural que podedes ver no corredor da entrada do centro estes días.
Alumnado de Ed. Infantil diante do noso mural e mentres realizaban as letras
Alumnado de segundo pintando ás profesionais presentes no mural
Alumando de 4º de Ed. Primaria pintando os coronavirus para o mural
Alumnado de 6º de Primaria elaborando os aplausos utilizando as mans de modelo
Aquí tedes o resultado.
