Os leóns no XI Certame Escolar de Regueifas

O 15 de febreiro chegou con moitos nervios e emoción para o alumnado de 1.º e 3.º da ESO. Uns ían participar no XI Certame Escolar de Regueifas, e outros iamos animar os nosos compañeiros e compañeiras e a todos os participantes.

Algunhas regueifeiras xa participaran na edición anterior do certame, pero para os demais era a primeira vez. E, como bos leóns e leoas que son, todos subiron ao escenario a dar o mellor deles mesmos.

E así, foron chamando por eles, os presentadores Luís O Caruncho e Pinto de Herbón. Os nosos leóns e as nosas leoas saíron a cantar primeiro a copla de presentación, que levaban preparada, pero a seguir xa comezaron a improvisar, e con que arte!

Estamos seguros de que queredes oír a estes artistas do verso improvisado, así que só tendes que premer nas seguintes ligazóns:

Regueifeira 1    Regueifeira 2    Regueifeira 3    Regueifeira 4    Regueifeira 5    Regueifeiro 6    Regueifeira 7    Regueifeiro 8    Regueifeiro 9

E tras esta primeira quenda, na que todos os participantes demostraron o seu nivel de regueifeiros, deron os nomes dos que pasaban á semifinal, entre os que estaban dúas das nosas alumnas! Que alegría sentimos por elas!

Déixamosvos unha mostra da semifinal tamén, podedes premer aquí para vela: semifinal.

E un bo resumo do que sucedeu neste XI Certame de Regueifas podedes velo se premedes aquí. Esperamos que gocedes tanto como fixemos nós.

Estamos orgullosos destas leoas e destes leóns! Agora é o momento de seguir coñecendo as nosas tradicións e de seguir aprendendo!