Aquí tedes ao noso alumnado de 4º de ESO na 8ª Feria de enseñanzas artísticas y profesionales de Vigo, no museo Verbum, onde lles amosaron profesións que talvez non son moi coñecidas pero nas que quizais está agochada a súa vocación.
Esta semana, os grupos de secundaria recibiron a visita da Policía Local de Vigo para traballar sobre a seguridade viaria e como adquirir habilidades que axuden a mellorala.
Hoxe queremos felicitar á nosa alumna de 1º E.P, xa que resultou gañadora no Certame de Pintura de Vigolandia e recibiu o seu agasallo esta mañá. Parabéns!
Queremos amosarvos como traballan os nosos leonciños e leonciñas. Hoxe traballaron cos números: fixeron trazos, ordenaron as cifras e mesmo as saltaron!
Esta semana os grupos de 3.º e 4.º da ESO visitaron o Museo Liste. É un museo etnográfico que amosa nas súas salas aspectos relacionados cos oficios, os tecidos, os cereais, a luz ou a arte de curar. Tras a visita, o noso alumnado participou do obradoiro “Enigma”, a través do que coñeceron diferentes códigos, mensaxes cifradas, xeroglíficos… que puxeron en práctica nunha xincana.
Hoxe, os alumnos e alumnas de 6º de Primaria acudiron aos obradoiros de Imat+xina onde desfrutaron das matemáticas dun xeito participativo, lúdico e manipulativo.
