Samaín 2022

Esta semana pasada, na Educación Primaria, pasámolo de medo!! E nunca mellor dito! Porque celebramos un novo Samaín no que podemos desfrutar de compartir, experimentar, xogar xuntos, sorrir, xuntarnos e coma non podía ser menos… expoñer!

Pero explicámosvolo a continuación polo miúdo.
Como grandes protagonistas desta festa están os calacús ou cabazas de Samaín. E por fin, despois de dous longos anos, puidemos organizar o noso tradicional concurso de calacús ou cabazas de Samaín. O alumnado de 3º a 6º de Primaria, trouxo as súas propostas para este ano que estiveron expostas na entrada para goce de todas as familias xunto coas manualidades elaboradas para decorar. Os gañadores e gañadora do concurso recibiron felices e sorprendidos o seu premio o último día da semana, para o que podían vir cun complemento temático.

Alumnado de 3º co seu calacú

Alumnado de 4º co seu calacú

Alumnado de 5º de E.P. co seu calacú

Calacús de 6º de E.P.

Pero non creades que os pequenos de 1º e 2º de Primaria quedaron atrás, todos xuntos fixeron unha cabaza xigante con papel maché! Que moito medo non daba… pero se proporcionou grandes aprendizaxes entre o noso alumnado que afrontou o reto traballando en equipo e superando retos.

Tamén fixemos o noso propio “esconxuro” durante unha pequena xornada de convivencia no primeiro ciclo de E.Primaria. Onde descubrimos que toda ciencia antes de ser comprendida, parece maxia… e aínda encima é divertida! E de paso… traballamos o ton muscular da man e as destrezas motrices. Podedes ver toda a actividade no seguinte vídeo.

Tamén houbo máis actividades que profundaban nesta festa desde distintos ámbitos… unha sopa de letras elaborada por 2º e resolta por 1º, mandalas, xogos dixitais en inglés, talleres temáticos, manualidades… deixámosvos aquí unhas fotos para que gocedes.

Alumnado de 2º ca súa manualidade decorativa

Alumnado de 6º ca súa manualidade para a exposición

Alumnado de 5º coa súa manualidade

Alumnado de 4º co seu complemento de Samaín

Sopa de letras de Samaín

Actividade temática de 2º de E.P.

 

 

Comments are closed