Este ano quixemos conmemorar o Día da Paz cun grande encrucillado de termos positivos. O alumnado de Ed. Infantil e Primaria elaboraron unha pomba onde plasmaron os seus desexos para conseguir a Paz, baixo o lema “Deixa voar os teus desexos” Así mesmo, os maiores do colexio compartiron o seu manifesto pola paz expresando tamén os seus.
O 30 de xaneiro conmemórase o Día Escolar da Non-Violencia e a Paz (Journée scolaire de la Non-Violance et de la Paix). Traballamos na clase de francés coa canción On ira, de Zaz, para reafirmar que a nosa felicidade existe grazas á diversidade e ás nosas diferenzas, esa é a nosa sorte! E aquí vos deixamos un vídeo no que o alumnado imitou o vídeo desta cantante decorando as fiestras:
A propósito da conmemoración do Día da Paz, este ano en Francés traballamos o vocabulario relacionado con esta xornada. Tamén pensamos naquelas outras cousas que nos fan sentir ben e que nos axudan no día a día a atopar as cores entre o branco e o negro. Traballamos a canción On écrit sur les murs e fixemos unha pequena actividade na que reflectiron os seus sentimentos. Aquí vos deixamos unha pequena mostra, só tedes que facer clic na seguinte ligazón.—
Día Escolar da Non Violencia e da Paz