Visita ao Museo do Mar

O venres 19 de xaneiro todos os cursos de educación infantil e 1.º de primaria foron visitar o Museo do Mar. Alí participaron na actividade “Marcus e o misterio do mar salgado”.

 

O obxectivo fundamental desta actividade, ademais de que comprendan a importancia do mar como recurso económico, é que valoren a riqueza que proporciona o intercambio entre culturas distintas. Para iso, o noso alumnado visitou a aula didáctica e tamén o acuario.

No museo, tiveron a oportunidade de aprender sobre moitas cousas: os castros, o colar que utilizaban de ouro (tanto homes como mulleres) chamado torque ou as valixas onde gardaban a mercancía nos barcos.

 

Tamén puideron comprobar o pesado que era un escudo e unha espada de verdade e practicar un pouco co arco.

Na aula didáctica do museo, puideron ulir unha salsa que era moi valorada naquela época, xa que se facía con tripas de peixe, e que curiosamente aos romanos lles encantaba (non así aos nosos alumnos).

E, finalmente, o que máis gustou aos nenos e ás nenas, foi o acuario. Alí puideron ver diferentes especies de peixes e escoitar un conto.

 

 

Comments are closed