Visitamos a pinacoteca (EI e 1º EP)

O alumnado de Educación Infantil e de 1º de EP de Primaria realizou unha interesante saída á Pinacoteca Fernández del Riego, onde tivo a oportunidade de achegarse ao mundo da arte dun xeito dinámico e participativo. Durante a visita, os nenos e nenas coñeceron varias obras de Manuel Colmeiro, descubrindo algúns dos elementos máis característicos da súa pintura, como o uso da cor, as escenas da vida cotiá e a representación do mundo rural galego.

Ao longo do percorrido, o alumnado observou con atención diferentes cadros e participou en pequenas actividades de análise e diálogo arredor das obras, expresando as súas impresións e emocións. A experiencia completouse cun obradoiro artístico no que puideron experimentar con distintas texturas e materiais, creando composicións propias e desenvolvendo a súa creatividade a través do tacto e da expresión plástica.

Foi unha xornada moi enriquecedora na que aprenderon a valorar a arte e o patrimonio cultural de maneira divertida e vivencial.


Comments are closed.