Aínda que o tempo non nos permitiu saír ao monte, puidemos igualmente gozar dunha magnífica xornada de magosto no colexio. Castañas, risas e boa compañía fixeron que o día fose especial. No vídeo que atoparedes a continuación podedes ver unha pequena mostra de como o pasamos.
O alumnado de 3º e 4º ESO asistiu a unha charla da tecnóloga dos alimentos Eva Covelo sobre a importancia do que comemos. O azucre, os mitos da alimentación ou como entender unha etiqueta foron algúns dos temas tratados. Xa, despois, nós decidimos, pero primeiro cómpre estar informados, non si?
Esta semana tivemos a segunda quedada de fans do K-pop, con @kpopvigoevents. Deu comezo cun obradoiro de decoración de photocards, con toploader e slevee e adhesivos variados. En medio do obradoiro, houbo algunha sorpresa… Despois random dance. Xa se foron atrevendo un pouco máis e perdendo a vergonza. E rematamos con sorteos e sesión de fotos cos premios e poses de kpop. Moi pronto avisaremos da próxima xuntanza. Anímate a vir!
O pasado xoves, como sabedes, tivemos unha xornada especial para celebrar o Samaín. Deixámosvos aquí un vídeo e unhas poucas imaxes sobre as actividades desenvolvidas.
Como sabedes o pasado 24 de outubro, o cole enteiro saiu co obxectivo de axudar á investigación sobre a leucemia infantil colaborando ca Asociación “Uno entre Cien Mil”. Grazas a todos acadamos 60,5 horas para dita investigación. Deixámosvos aquí como transcurriu a mañá.
O alumnado de secundaria visitou a Biblioteca Xosé Neira Vilas. Nesta visita, ademais de aprender como se organiza unha biblioteca, puideron coñecer moitos datos sobre detectives, axentes secretos e códigos de comunicación. É a biblioteca pública que temos máis preto do noso colexio. Visitádea!
