Home Articles posted by Cpereiro (Page 19)

Semana do Libro en Secundaria

O 23 de abril foi o Día do Libro e quixemos celebralo con algunhas actividades ao redor da lectura e dos libros. Propuxémoslle ao alumnado que reflectise nunha fotografía o seu libro preferido. Tiveron que escoller varios obxectos para representar os personaxes, accións, espazo… E despois fixeron cadansúa presentación na biblioteca. O alumnado le moito e gústalle compartir as súas lecturas cos demais. Tamén traballamos con mensaxes secretas. Tiveron que descubrir as mensaxes que apareceron debuxadas nas ventás da clase.—

Ler máis

Entroido na ESO

Este Entroido os nosos maiores tiveron como temática os deportes. Houbo animadores e animadoras, xogadoras de fútbol americano, de petanca, de baloncesto… e tamén adestradores e mascotas dos equipos. Tiveron unha xornada un pouco diferente neste curso, máis animada, acompañada de orellas e tamén de filloas. Gústanos ver como manteñen a tradición desta festa tan nosa!

Ler máis

Día de Rosalía de Castro

O día 23 de febreiro conmemórase o Día de Rosalía de Castro. Desde o colexio tamén nos sumamos a esta celebración, a do aniversario desta autora que homenaxeamos. Traballamos na clase a súa figura, lemos os seus poemas e tamén os imitamos. O alumnado fixo flores nas que escribiu as súas propias composicións, formaron a súa imaxe e déronlle cor, escribiron con lettering frases dos seus textos e do manifesto que se escribiu para esta data… E despois compartimos unhas—

Ler máis

XII Certame escolar de regueifas

Tras dous obradoiros, catorce dos nosos alumnos tiveron a oportunidade de participar no XII Certame escolar de regueifas. Este certame contou con dous presentadores magníficos: Pinto d’Herbón e Luís O Caruncho, que dinamizaron esta xornada, chea de emocións e de nervios. Os nosos e as nosas representantes foron collendo o micrófono e improvisando coplas, coma eles só saben facer. E os demais compañeiros animaron e aplaudiron durante toda a xornada. Finalmente, chegamos á semifinal e tamén á final. E trouxemos—

Ler máis

Obradoiro de regueifas (II)

Esta última semana volveron achegarse polo Quiñones de León os grandes improvisadores: Luís O Caruncho e Pinto d’Herbón. Guiáronnos no segundo obradoiro de regueifas organizado polo Servizo de Normalización Lingüística do Concello de Vigo deste curso. Desta volta, o alumnado, xa con algunhas nocións, foi improvisando as súas coplas e gozando de compartir risos. Cara ao final, foron atrevéndose a regueifar en parellas. Aquí seguiremos practicando para manter viva esta tradición e para dar o mellor de nós no Certame de—

Ler máis