Xa lestes a nova orde do Meco? “Empezamos a suar e a correr, a túa cabeza non podes esquecer…” Así que, mañá todos e todas con algo relacionado co voso deporte que poidades levar na cabeza. Todo vale! Cintas deportivas, gorras, viseiras de golf, cascos de bici, moños de ximnasia… Utilizade a vosa imaxinación e sorpréndenos. Vémonos mañá!
A semana que vén empezamos coas actividades propias de entroido. Como sabedes, é tradicional que o Meco nos diga o que temos que poñernos; e este ano propúxose converternos a todos en deportistas. Empezaremos por traer unha medalla, premio ou galardón o luns. El esta encantado co seu. Visitade a web todos os días para saber que hai que engadir a continuación. Animádesvos?.
O pasado día 31 chegou, un ano máis, o Día da Paz ao noso centro. Sempre é un dos favoritos do noso alumnado xa que falamos do compañeirismo, a colaboración, a solidariedade… valores que ademais de ser traballados día a día, toman protagonismo nesta data. Este ano, propuxémonos resaltar palabras sen as que a Paz non sería posible e que nos marcan o camiño que debemos seguir e fomentamos sempre entre o noso alumnado. Vístelas colgando en globos con forma—
Antes de nada, agardamos que pasásedes unhas festas agradables en compañía dos vosos seres queridos e acordándovos con agarimo dos que xa non puideron estar convosco. Un ano máis chegou o Nadal ao cole e, como é habitual, as actividades e a dinámica das clases cambiaron. Presentámosvos aquí o máis destacado, ocorrido o último día da clase antes das vacacións, pero non pensedes que é o único que fixemos para celebrar estas festas. Nos blogues de cada etapa atoparedes, en—
O pasado 25 de novembro foi o Día Internacional da Eliminación da Violencia Contra as Mulleres e, aínda que é un valor que promovemos de maneira transversal no noso día a día, levaron a cabo unhas actividades un pouco máis especiais co motivo desa data. Xa que é un tema difícil de tratar a idades de temperás en 2º de E. P. e en 3º de E. P. quixeron achegar o motivo e o espírito dese día a través de—
O pasado luns celebramos o Magosto no cole. Xa que as limitacións COVID en canto ao transporte non nos permitían subir ao monte como adoitamos facer todos os anos, decidimos que non queriamos deixar pasar esta data sen celebrar. Así que, deixando de lado un pouco os libros por un día, pasamos unha xornada de convivencia na que puidemos facer moitas das actividades propias deste día: comer castañas, xogar no patio a xogos tradicionais… e outras máis propias dunha xornada—
