A Asociación de Veciños de San Roque organiza todos os anos, co gallo do Día das Letras Galegas, un Concurso de Poesía. Este ano tivemos cinco premiadas entre o noso alumnado: Valeria, Luisa, Yael, Noa e Sabela. Parabéns, mozas! Non deixedes nunca de escribir!
Este ano 2024 homenaxeamos a Luisa Villalta polo Día das Letras Galegas. O noso alumnado elaborou algúns murais e a partir dalgúns versos do poema “Papagaio”: Compartir as cordas de tender a roupa vibrantes de emoción e de necesidade naceu a idea de facer nós tamén o noso tendal. Despois xuntámonos para falar dela, ler algún dos seus poemas e tocar algunha peza musical. E tamén aproveitamos a xuntanza para celebrarmos os maios, acompañados do recitado de poemas. E xa—
Co lema: “Na casa, na escola, bota a lingua fóra”, arrincou este ano o Correlingua. Quixemos participar na regueifa colectiva que propuxeron, así que vos deixamos a seguir o vídeo para que vexades a arte do noso alumnado e da rapazada doutros centros escolares:
Na xornada de hoxe recibimos a visita tan esperada de Andrea Maceiras. Achegouse ao colexio para falar co noso alumnado de 1.º, 2.º e 3.º da ESO sobre as súas obras A folla azul e Europa Express. Comezamos cunha viaxe ata a Amazonia, durante a que visitamos terras e coñecemos tribos, costumes, fauna e flora. Revivimos momentos únicos das protagonistas de A folla azul e presentounos a tribo que lle serviu de inspiración. A seguir, continuamos cun percorrido en interraíl por—
O alumnado de 3.º da ESO tivo a oportunidade de escoitar a Borxa, de Orgullo Galego. Esta comunidade comparte e difunde contidos relacionados con Galicia, a súa cultura, tradicións, curiosidades, lugares interesantes… Borxa, desta volta, veu para falar de redes sociais en galego, do uso do galego en Internet e de que o galego é unha lingua coa que se pode chegar a todo o mundo. Moitas grazas por amosar esta realidade ao noso alumnado!
Este curso, con motivo do Día das Letras Galegas, animámosnos a arremedar o programa Dígocho eu! Non perdades os dous vídeos se queredes aprender novas palabras e expresións:
Día do Ensino - Non lectivo
Día da Infancia