Este curso participamos no XVI Concurso de redacción e poesía que organiza todos os anos a Asociación de Veciños de San Roque co gallo do Día das Letras Galegas. Moitos dos nosos alumnos e alumnas animáronse a escribir. E hoxe tivo lugar a entrega de premios. Parabéns a todos e a todas, animámosvos a seguir lendo e escribindo.
Este ano 2023, dedícaselle o Día das Letras Galegas a Francisco Fernández del Riego, intelectual, editor, escritor e gran mantedor da nosa cultura. Ademais de coñecer esta persoa e afondar no seu traballo, decidimos traballar a fraseoloxía e o léxico de noso. Enfocámolo desde unha óptica creativa, na que o alumnado puido facer un deseño dunha camiseta na que plasmase algunha frase feita das traballadas. Hoxe xuntámonos para compartir estes traballos e algunhas destas frases. Aquí vos deixamos unhas imaxes—
Este ano, o Día das Letras Galegas estivo dedicado a Florencio Delgado Gurriarán. O noso alumnado tivo a posibilidade de coñecer este autor e de ler algúns dos seus poemas. Despois deste traballo previo, o alumnado de primaria fixo uns murais cos que participaron no Concurso de murais organizado polo Equipo de Dinamización Lingüística. A seguir, podedes ver os gañadores deste concurso: O Equipo de Dinamización Lingüística tamén organizou un Concurso de poesía. Houbo moita participación e foi complicado elixir, pero—
Hoxe é o Día das Letras Galegas, e gustaríanos compartir con vós nesta data uns vídeos que prepararon algúns grupos da ESO. Seguro que coñecedes o programa Dígocho eu. Pois o noso alumnado imitou os vídeos deste espazo televisivo. Así que atentos e atentas… Colgamos clase ou…? Facer a bogada… e ir de esmorga! Xogamos á billarda? Esperamos que vos gusten e que aprendésedes algunha nova expresión coa nosa rapazada!
Este curso, con motivo do Día das Letras Galegas, o Equipo de Dinamización Lingüística organizou un concurso de poesía para o alumnado. Traballouse o xénero lírico, as emocións, imitáronse poemas de Xela Arias e leuse moita poesía para inspirar os nosos futuros poetas. A seguir podedes ler as composicións premiadas: Concurso de Poesía.
Ademais de traballar os textos de Xela Arias na clase e escribir poesía coma ela, apeteceunos realizar unha actividade ao aire libre co grupo de 1.º da ESO. Preparamos unhas pistas e, a modo de xogo, o alumnado puido descubrir momentos importantes da vida desta autora e moitos dos seus logros. A seguir podedes ver unha pequena mostra desta actividade, só tedes que premer a continuación: Coñecendo a Xela Arias.
Día do Ensino - Non lectivo
Día da Infancia