Le jour de la Paix

A propósito da conmemoración do Día da Paz, este ano en Francés traballamos o vocabulario relacionado con esta xornada. Tamén pensamos naquelas outras cousas que nos fan sentir ben e que nos axudan no día a día a atopar as cores entre o branco e o negro. Traballamos a canción On écrit sur les murs e fixemos unha pequena actividade na que reflectiron os seus sentimentos. Aquí vos deixamos unha pequena mostra, só tedes que facer clic na seguinte ligazón.—

Ler máis

Xa chega o Entroido

Xa temos ao Meco sentado na entrada,
tranquilo, mirando, sen facer máis nada.
É feo e o sabe, pero non lle importa,
porque se divirte xogando coa roupa:
un día o sombreiro, por se fóra chove,
ao outro os zapatos de distintas cores.
Pregunteille ao Meco que quere que fagas:
-Que a miña roupa imite, sen facer trasnadas.

  • O luns viste elegante cunha bonita paxarela ou unha gravata.
  • O martes, o sombreiro máis chulo que atopes na casa.
  • O mércores, de distintas cores os zapatos han ser.
  • O xoves, ao redor da cintura algo fermoso debes poñer.

E lembra que non podes usar maquillaxe, caretas nin luvas.

Actividades de Nadal 2020

Este ano, cambiou por completo nosos costumes e as nosas prioridades. Polo que, no canto de centrarnos no que non podiamos facer por culpa do COVID-19, centrámonos en que podiamos facer para que o Nadal do noso alumnado seguise sendo especial. Así que, con limitacións e todo, ao final fixemos moitas actividades diferentes que se cadra, se non fóra por estas circunstancias, non se nos ocorrerían. Unha delas, xa a coñecedes, foi o noso querido lipdub. que se non o—

Ler máis

Máscaras para o alumnado

Os pais/nais/titores do alumnado beneficiario das máscaras  que reparte a Xunta de Galicia poden pasar a recollelas na Administración do colexio a partir do día 14 de xaneiro, en horario de 9:30 a 11:00 e de 13:00 a 13:45 h. Pregamos sexan respectuosos/as co protocolo COVID-19.

Bo Nadal 2020

Xa que este ano vémonos privados do noso festival de Nadal, estivemos preparando un vídeo que rematamos de grabar hoxe, no noso “fin de ano particular”. Todo o alumado está moi ilusionado por ver o resultado final. En futuras entradas veredes todo o que fixemos esta semana, mais vaia por diante esta felicitación. Fixémolo con todo o noso agarimo e agardamos que vos guste.

Ler máis