Eu leo porque…

A última actividade que programamos para esta semana de inauguración da nosa biblioteca foi a de completar o enunciado: «Eu leo porque…». Así, pasaron pola biblioteca os alumnos e as alumnas de primaria e secundaria e completaron o mural. A maioría das propostas están relacionadas coa imaxinación; e iso é o que máis nos gustou, queremos un alumnado imaxinativo e creativo. E, por suposto, estades convidados a pasar polo corredor do colexio e ver o mural.

Entrega do carné e do pasaporte lector

Esta semana, do 24 ao 27 de outubro, dá comezo unha nova andaina para a nosa biblioteca escolar. Quixemos celebralo co noso alumnado (de infantil, primaria e secundaria) repartindo os novos carnés e o pasaporte lector. A coordinadora da biblioteca explicou aos alumnos e ás alumnas como ían funcionar o carné e o pasaporte. E a continuación repartímolos. O noso alumnado recibiunos moi emocionado. Seguro que mañá xa temos cola para coller libros prestados e gozar deles nesta fin de—

Ler máis

Participación na charla «Conectamos ben»

Desde o departamento de orientación, en colaboración coa área de Igualdade do concello de Vigo, o noso grupo de 4.º da ESO asistiu o día 24 de outubro á charla «Conectamos ben. Mozos e mozas que se tratan de = a =». O obxectivo desta charla é implicar a mocidade na loita contra a violencia de xénero e sensibilizalos sobre as novas formas de violencia simbólica e real.

Día da Biblioteca Escolar

O día 24 de outubro celébrase o Día da Biblioteca Escolar, por iso no día de hoxe abrimos as portas da nosa biblioteca para que todo o noso alumnado nos visitase. O lema que se propuxo este ano foi o de: «Aprender a pensar» e baixo esta premisa imos funcionar durante este curso. Queremos lograr que os nosos alumnos e as nosas alumnas adquiran un espírito crítico, fundamental para o seu desenvolvemento persoal. O noso alumnado de infantil puido gozar—

Ler máis

Estreamos páxina web

Sin títuloA partir de hoxe temos unha nova páxina web. Esperamos que vos guste e que vos sexa útil. E se vedes que ten fallos, dádelle unha oportunidade ata que mellore.
Os pais poderedes -se queredes- pedir cita cos titores por Internet na sección correspondente.
Trataremos, tamén, de informar das actividades que leva a cabo o colexio.
Benvidos!
[print-me]