Visita de 2.º da ESO á Biblioteca Xosé Neira Vilas

Esta semana o grupo de 2.º da ESO visitou a Biblioteca Xosé Neira Vilas. É unha saída que gusta moito ao alumnado, xa que sempre lles presentan unha temática interesante e unha chea de referencias bibliográficas para achegarse despois a elas. Este curso a temática son as Olimpíadas, xa que se van celebrar o próximo ano 2020.

Recibiunos a bibliotecaria Mar, que nos falou un pouco sobre como facernos socios da biblioteca e dos servizos que teñen dispoñibles. Demos unha volta pola biblioteca e xa nos dispuxemos a entrar no mundo fantástico dos libros e a literatura da súa man.

Mar fixo un percorrido a través de diferentes obras literarias para presentarnos a historia das Olimpíadas, coñecemos diferentes deportes, novos deportes que estarán presentes nas probas do 2020 e moitas anécdotas destas últimas celebracións.

A seguir, foi a quenda dos alumnos e alumnas, de participar na actividade que lles tiñan preparada.

Primeiro, tiveron que pasar unha proba de mímica deportiva:

A continuación, xogaron a un tabú do ámbito dos deportes:

E, para rematar, tiveron que descifrar uns xeroglíficos relacionados co mundo deportivo:

Non todos os equipos gañaron, pero si todos participaron e todos o pasaron fenomenal, ademais de aprender un pouco máis sobre os deportes e as Olimpíadas.

Así de felices nos despedimos ata o próximo ano!

 

Os leonciños na Biblioteca Xosé Neira Vilas

Hoxe pola mañá os nosos leonciños e leonciñas visitaron a Biblioteca Xosé Neira Vilas. Saíron ben cediño do colexio, acompañados polos seus profesores e tamén por algúns familiares que quixeron compartir connosco esta xornada. Chegaron, tras un marabilloso paseo pola cidade, á biblioteca, onde entraron moi tranquilos. Alí, coñeceron a unha bibliotecaria que achegou os nosos cativos ao marabilloso mundo dos libros. Escoitaron os contos con moita atención, seguiron todas as súas indicacións e tamén coñeceron diversos costumes e xeitos—

Ler máis

A ESO visita a Biblioteca Xosé Neira Vilas

Hai uns días, o alumnado da ESO visitou unha das bibliotecas da nosa cidade: Biblioteca Xosé Neira Vilas. Tanto nos gustou a visita que fixemos o curso pasado, que tivemos que repetir; e volvemos quedar encantados. Este ano presentáronnos lecturas de viaxes: libros orixinais, atlas singulares, bandas deseñadas… e despois aínda tivemos tempo para xogar e aprender xeografía. Agradecemos á nosa guía da biblioteca o ben que nos transmitiu o seu amor pola lectura. Nós continuaremos coa mellor viaxe que nos traen—

Ler máis

Desmontando tópicos

Os alumnos de 4.º da ESO visitaron a Biblioteca Xosé Neira Vilas, por mor da recente celebración do Día Internacional da Muller e a Nena na Ciencia, e asistiron ás charlas que deron dúas enxeñeiras da Universidade de Vigo sobre a importancia de desmontar os prexuízos que falan da inferior capacidade das mulleres para as ciencias e a tecnoloxía. Marie Curie, Ada Lovelace, Rosalind Franklin, Emmy Noether e un longo etcétera son o mellor exemplo de que  a realidade é—

Ler máis

Visita á Biblioteca Xosé Neira Vilas

Durante estas últimas semanas, os rapaces de Primaria foron á Biblioteca Xosé Neira Vilas. Así, o alumnado pódese achegar ao mundo da biblioteca dunha forma lúdica e amena, e que a valore como un lugar de formación á vez que de lecer. Deste xeito, a través das visitas á biblioteca, os rapaces participantes familiarízanse co uso das súas instalacións, coñecen o seu funcionamento e as posibilidades formativas que ofrece, e ao mesmo tempo descobren un espazo no que poder pasar—

Ler máis

Visitas á Biblioteca Xosé Neira Vilas

Os últimos días do segundo trimestre, o alumnado da ESO visitou a Biblioteca Xosé Neira Vilas. Alí puidemos gozar da compañía e guía das encantadoras bibliotecarias Mar e Noelia, que nos amosaron a biblioteca, o seu funcionamento, os diferentes recunchos, indicáronnos que pasos temos que seguir para buscar información, ler, investigar e tamén pasar momentos de lecer nun lugar tan preto de nós. A seguir, faláronnos das casas e con elas de arquitectura, e aínda que non o creades mostráronnos—

Ler máis