Desde o Equipo de Dinamización Lingüística gustaríanos que nos acompañásedes nestes retos que vos propoñemos. Aquí vai o primeiro deles. Atréveste? Únete!
A semana pasada visitounos Lupe Blanco, unha gran regueifeira que acompañou o noso alumnado de secundaria na arte da improvisación oral. Seguiremos os teus consellos para crear as nosas coplas!
Parte do noso alumnado de 4.º da eso está vivindo unha experiencia lingüística grazas ao Programa de Inmersión en Lingua Inglesa, Vigo en inglés, do Concello de Vigo. Gozade desta oportunidade!
Esta semana o alumnado de secundaria coñeceu o gran regueifeiro Bieito Lobariñas. Tivemos a primeira sesión dos obradoiros de regueifas, organizados pola Deputación de Pontevedra e a Asociación ORAL de Galicia. Explicou a orixe das regueifas e amosou ao alumnado a existencia desta arte de improvisación en todo o mundo. Acompañados polo son da súa zanfona, crearon as súas coplas e tamén as cantaron. Agora seguiremos practicando para mostrar os dotes de improvisación do Quiñones na segunda sesión.
Desde aquel ano 2020 en que este grupo chegou a secundaria, viviron moitas experiencias que os fixeron medrar e convertéronse nestes mozos e mozas que acaban de celebrar a súa graduación. Esta será sempre a vosa casa e aquí vos esperamos para que sigades compartindo con nós os vosos avances.
A Asociación de Veciños de San Roque organiza todos os anos, co gallo do Día das Letras Galegas, un Concurso de Poesía. Este ano tivemos cinco premiadas entre o noso alumnado: Valeria, Luisa, Yael, Noa e Sabela. Parabéns, mozas! Non deixedes nunca de escribir!
Día do Ambiente
Exames finais ESO