O alumnado de secundaria tivo un gran comezo de semana coa visita de Luis O Caruncho. Achegouse para acompañarnos no 2º obradoiro de regueifas, organizado pola Deputación de Pontevedra e a Asociación Oral de Galicia. O noso alumnado cantou, riu e demostrou os seus grandes dotes como regueifeiros e regueifeiras!
Se che gusta o K-pop, esta é a túa oportunidade para coñecer outras persoas que tamén gozan con esta música e os seus bailes. A primeira xuntanza será o xoves 23 de outubro, ás 16:00 horas. Será unha tarde para escoitar cancións, compartir coreografías, aprender pasos novos e, sobre todo, pasalo ben. Anímate a vir! 👉 Inscricións: formulario.
Este curso queremos contar con vós para decorar a biblioteca. Abrirá as súas portas o día 1 de outubro. No blog da biblioteca atoparedes máis información sobre este obradoiro e outras actividades que vaiamos facendo: blog biblioteca.
A semana pasada celebramos a graduación dos nosos maiores. Houbo moitas lembranzas destes anos connosco, nos que medraron ata converterse nuns mozos e mozas marabillosos. Agora continuarán esta travesía sen deixar de remar, como ben saben facer. Este non foi un adeus. Aquí vos agardamos para saber de vós, esta é a vosa casa.
Superastes o reto 3!! O EDL comparte con nós o resultado deste reto: A que esperas para amosarnos que fuches quen de superar o cuarto reto? Esperamos os teus vídeos!
