O alumnado de 4.º de eso participou do programa educativo “Iniciación segura á pegada dixital e ás redes sociais”. O guía do obradoiro foi Manuel Rivas, da Axencia para a Modernización Tecnolóxica de Galicia (Amtega), que, cunha linguaxe axeitada para os adolescentes, tratou o tema da pegada dixital, dos perigos existentes nas redes sociais e ofreceu consellos para vivir dun xeito máis seguro en Internet.
O grupo de 4.º da ESO participou no programa educativo Iniciación segura á pegada dixital e ás redes sociais. Aprenderon o significado e a importancia da identidade dixital e a pegada dixital, así como algunhas nocións sobre seguridade nas redes sociais. Agora só lles queda poñer en práctica o aprendido.
O alumnado de 4.º da ESO, con motivo da conmemoración do Día Internacional contra a Violencia de Xénero, participou nas actividades do programa EnlazaVigo, organizado pola Concellería de Igualdade do Concello de Vigo. Este programa é un instrumento útil para educar en igualdade a nosa mocidade e busca construír unha sociedade máis xusta e igualitaria para todas e para todos.
O alumnado de 1.º da ESO asistiu durante estas últimas semanas a unhas charlas sobre drogodependencias e outras adiccións.
O grupo de 4.º da ESO asistiu hoxe á VI Edición da Feira de Ensinanzas Artísticas e Profesionais, que se celebrou no Auditorio Mar de Vigo. Aquí puideron informarse sobre distintas oportunidades formativas que existen en Vigo. Así coñeceron cursos, ciclos e graos aos que poden acceder relacionados con múltiples ámbitos: idiomas, deseño gráfico, deseño web, auxiliares de voo, xoieiría, música, comercio internacional…
Entroido - Non lectivo
Semana da Prensa
Cualificacións 2ª avaliación