O grupo de 4.º da ESO asistiu hoxe á VI Edición da Feira de Ensinanzas Artísticas e Profesionais, que se celebrou no Auditorio Mar de Vigo. Aquí puideron informarse sobre distintas oportunidades formativas que existen en Vigo. Así coñeceron cursos, ciclos e graos aos que poden acceder relacionados con múltiples ámbitos: idiomas, deseño gráfico, deseño web, auxiliares de voo, xoieiría, música, comercio internacional…
Parte do noso alumnado da ESO tivo a oportunidade de achegarse ao mundo da improvisación oral en verso da man dos grandes regueifeiros Luís O’Caruncho e Pinto de Herbón. Comezaron rompendo o xeo cos rapaces e rapazas, explicándolles como fixándose nalgún detalle que os rodea xa poden deixar medrar as palabras. E así o fixeron para deleite de todos os asistentes: A seguir, explicáronnos a orixe das regueifas e a súa presenza en distintos lugares do mundo. E así, pouco—
A propósito da celebración do Día da Muller e a Nena na Ciencia, o noso alumnado de 2.º da ESO puido participar nuns obradoiros organizados polos servizos de Normalización Lingüística e Igualdade (concello de Vigo). O obxectivo destes obradoiros era dar a coñecer as contribucións de mulleres científicas, ademais de poñer en valor o uso da lingua galega no ámbito das ciencias. A xornada transcorreu con moita emoción por parte do alumnado, moi motivado nas materias científicas. Podedes comprobalo xa—
O alumnado de 1.º e 2.º da ESO participou hoxe no Programa de Educación Cívico-Tributaria, organizado pola Delegación da Axencia Tributaria de Vigo. Desde un enfoque didáctico, o relator achegou aos alumnos e alumnas pinceladas sobre os bens e os servizos públicos, o financiamento ou a importancia da súa conservación. Foi unha charla enfocada á educación en valores, da que todos tiraron bo proveito.
Un ano máis, a comunidade escolar do Quiñones de León celebrou o Día da non-violencia e a paz. Nas diferentes etapas, traballaron durante estas semanas dun xeito especial para conmemorar xuntos este día. Os máis pequenos leron contos e reflexionaron sobre diferentes situacións; outros xa puideron organizar algún pequeno debate, e os maiores lembraron a figura de Gandhi e revisaron a orixe dos distintos símbolos da paz. Hoxe xuntámonos todos, guiados por un dos nosos alumnos maiores: Este compartiu unha—
Na última semana antes das vacacións do Nadal, o alumnado dos grupos de 1.º, 2.º, 3.º e 4.º de primaria gozou dunhas sesións de pedagoxía da luz coma recompensa polo esforzo realizado durante o trimestre. Deste xeito, e adaptados ás diferente idades, presentábanselles unha serie de retos tomando como elemento motivador, como non podía ser doutro modo, o Nadal. Entre estes retos, tiñan que ser quen de construír unha árbore con vasiños para adornala; clasificar as “bólas”, de xeito colaborativo,—
Día da Constitución - Non lectivo
Cualificacións 1ª avaliación ESO