Día de Rosalía de Castro

O día 23 de febreiro conmemórase o Día de Rosalía de Castro. Desde o colexio tamén nos sumamos a esta celebración, a do aniversario desta autora que homenaxeamos. Traballamos na clase a súa figura, lemos os seus poemas e tamén os imitamos. O alumnado fixo flores nas que escribiu as súas propias composicións, formaron a súa imaxe e déronlle cor, escribiron con lettering frases dos seus textos e do manifesto que se escribiu para esta data… E despois compartimos unhas—

Ler máis

Derradeira orde do Meco 2022

Xa está! Misterio resolto! O deporte do noso Meco é a patinaxe en liña! E o teu? Cal é o teu deporte? Mañá descubrirémolo, podes traer un complemento deportivo. Iso si, os patíns… ao ombreiro! E nada de obxectos perigosos. Vémonos mañá ases do deporte!

Ler máis

XII Certame escolar de regueifas

Tras dous obradoiros, catorce dos nosos alumnos tiveron a oportunidade de participar no XII Certame escolar de regueifas. Este certame contou con dous presentadores magníficos: Pinto d’Herbón e Luís O Caruncho, que dinamizaron esta xornada, chea de emocións e de nervios. Os nosos e as nosas representantes foron collendo o micrófono e improvisando coplas, coma eles só saben facer. E os demais compañeiros animaron e aplaudiron durante toda a xornada. Finalmente, chegamos á semifinal e tamén á final. E trouxemos—

Ler máis

3ª orde do Meco 2022

Novo día, nova orde. “O mércores, pulseiras deportivas levarás e deportista profesional parecerás” Así que xa sabedes, haberá que manter o misterio ata o final para saber que deporte representa cada un de nós. Que ganas de velo! Aquí tedes o noso Meco, todo fachendoso, ca súa cinta e as súas pulseiras deportivas a xogo. Será o taekwondo o seu deporte?

Ler máis

2ª orde do Meco 2022

Xa lestes a nova orde do Meco? “Empezamos a suar e a correr, a túa cabeza non podes esquecer…” Así que, mañá todos e todas con algo relacionado co voso deporte que poidades levar na cabeza. Todo vale! Cintas deportivas, gorras, viseiras de golf, cascos de bici, moños de ximnasia… Utilizade a vosa imaxinación e sorpréndenos. Vémonos mañá!

Ler máis

Ordes do Meco 2022

A semana que vén empezamos coas actividades propias de entroido. Como sabedes, é tradicional que o Meco nos diga o que temos que poñernos; e este ano propúxose converternos a todos en deportistas. Empezaremos por traer unha medalla, premio ou galardón o luns. El esta encantado co seu. Visitade a web todos os días para saber que hai que engadir a continuación. Animádesvos?.

Ler máis