Celebramos o magosto

Como xa vén sendo habitual no noso centro, eliximos o monte do Vixiador para gozar dunha mañá de convivencia cos nosos compañeiros e, como non, para deleitarnos con castañas asadas. Este ano non puidemos asalas no propio monte, xa que o lume que arrasou con moito do noso verde fixo que se prohibise este tipo de actividades durante un tempo. Como se pode comprobar nas fotos previas á saída, os nenos e nenas tiñan moitas ganas de facer esta excursión.—

Ler máis

Aprendemos sobre a hixiene dental

Os nenos e nenas de 3.º de Primaria están a estudar unha unidade relacionada coa importancia da saúde na materia de Natural Science. Nun dos apartados atópase a hixiene dental. A partir da construción destas dentaduras, aprenderon non só o nome dos dentes, senón tamén algúns hábitos saudables. Mirade o ben que o pasaron!

Creamos maquetas de personaxes literarios

Os nenos e nenas de segundo de Educación Primaria estivemos a traballar sobre algúns dos personaxes literarios máis coñecidos. O primeiro de todo foi a investigación; na nosa casa coa axuda das nosas familias investigamos certos nomes que nos proporcionou a mestra. Deseguido, na clase puxemos en común toda a información que tiñamos e elaboramos uns carteis informativos que agora adornan a nosa aula e que vos amosamos aquí. Despois disto, eliximos entre todos cales eran os nosos favoritos, que—

Ler máis

Concurso “Cíes. O paraíso de todos”

A nosa alumna de 6.º de educación primaria, Lucía Carrera García, quedou de terceira no grupo 2 no concurso de poesía organizado polo Faro de Vigo, en colaboración co concello de Vigo e FCC servizos cidadáns. A entrega de premios celebrarase o día 9 de novembro.   Estamos moi orgullosos dela e do seu máis que merecido premio. Presentou un fermoso poema que pronto compartiremos con vós.

Celebración do samaín 2017

No colexio Quiñones de León, rematamos este mes de outubro celebrando o samaín. Para que o noso alumnado gozase desta festividade propuxemos dúas actividades moi creativas. A primeira delas foi un contacontos. As persoas que organizaron esta actividade pensaron que o mellor espazo para contar contos sería a biblioteca, polo que antes de comezar se puxeron mans á obra e deixaron así de terrorífico este espazo. Os rapaces e rapazas da ESO e de primaria escribiron cadansúa historia de medo. Escolléronse—

Ler máis

Eu leo porque…

A última actividade que programamos para esta semana de inauguración da nosa biblioteca foi a de completar o enunciado: «Eu leo porque…». Así, pasaron pola biblioteca os alumnos e as alumnas de primaria e secundaria e completaron o mural. A maioría das propostas están relacionadas coa imaxinación; e iso é o que máis nos gustou, queremos un alumnado imaxinativo e creativo. E, por suposto, estades convidados a pasar polo corredor do colexio e ver o mural.