Esta semana tivemos a primeira quedada das seguidoras do K-pop do noso colexio. Coñeceron que é este estilo de música, bailaron e tiveron unha sorpresa… uns sorteos!! Xa estamos organizando a seguinte xuntanza, en breve compartimos con vós a data. Moitas grazas por todo o labor que están a facer desde @kpopvigoevents para que estes encontros poidan existir!
O alumnado de secundaria tivo un gran comezo de semana coa visita de Luis O Caruncho. Achegouse para acompañarnos no 2º obradoiro de regueifas, organizado pola Deputación de Pontevedra e a Asociación Oral de Galicia. O noso alumnado cantou, riu e demostrou os seus grandes dotes como regueifeiros e regueifeiras!
Se che gusta o K-pop, esta é a túa oportunidade para coñecer outras persoas que tamén gozan con esta música e os seus bailes. A primeira xuntanza será o xoves 23 de outubro, ás 16:00 horas. Será unha tarde para escoitar cancións, compartir coreografías, aprender pasos novos e, sobre todo, pasalo ben. Anímate a vir! 👉 Inscricións: formulario.
O noso alumnado de 1.º da ESO tivo a oportunidade de participar nun obradoiro con Luis O Caruncho. Este regueifeiro amosoulles en que consiste a improvisación oral en verso, como se orixina esta arte e como é o proceso de creación das coplas. Este foi o primeiro dos obradoiros organizados pola Asociación ORAL de Galicia e a Deputación de Pontevedra. Agora tócanos ensaiar para o segundo obradoiro!
Este curso queremos contar con vós para decorar a biblioteca. Abrirá as súas portas o día 1 de outubro. No blog da biblioteca atoparedes máis información sobre este obradoiro e outras actividades que vaiamos facendo: blog biblioteca.
O curso xa comezou e aquí vos traemos un recordatorio das actividades extraescolares ás que pode asistir o alumnado. Da man de Cocofante, traemos esta oferta: Tamén podedes practicar Taekwondo co Club Seung Sport:
