Este curso volvemos gozar da compañía dos grandes regueifeiros Luis Caruncho e Pinto d’Herbón. Foi o primeiro dos obradoiros organizados polo Servizo de Normalización Lingüística do Concello de Vigo. Agora tócanos seguir practicando no noso club de regueifas ata a seguinte sesión.
O grupo de 2.º da ESO tivo a oportunidade de coñecer a Esther Estévez e gravar con ela un vídeo do Dígocho Eu! Despois da gravación, puideron conversar con ela e co seu equipo, e falar de xornalismo, da TVG e tamén do Digochiño, que tiña seareiros entre a rapazada. Moi pronto poderemos compartir con vós o vídeo.
O alumnado de 4.º de eso participou do programa educativo “Iniciación segura á pegada dixital e ás redes sociais”. O guía do obradoiro foi Manuel Rivas, da Axencia para a Modernización Tecnolóxica de Galicia (Amtega), que, cunha linguaxe axeitada para os adolescentes, tratou o tema da pegada dixital, dos perigos existentes nas redes sociais e ofreceu consellos para vivir dun xeito máis seguro en Internet.
Esta semana, o alumnado de 1.º e 2.º da ESO foron ver a obra de teatro Veinte mil leguas de viaje submarino.
Queremos darlle os parabéns a unha das nosas alumnas que resultou gañadora do Certame de Pintura organizado polo Concello de Vigo e Vigolandia.
Chegou a data do seguinte reto. Preguntade na casa, investigade nos libros da clase ou da biblioteca e descubride algún refrán ou frase feita para compartir con nós.
Semana Santa - Non lectivo
Semana do Libro
Probas de pendentes de ESO