O alumnado de secundaria visitou a Biblioteca Xosé Neira Vilas. Nesta visita, ademais de aprender como se organiza unha biblioteca, puideron coñecer moitos datos sobre detectives, axentes secretos e códigos de comunicación. É a biblioteca pública que temos máis preto do noso colexio. Visitádea!
O grupo de 1.º da ESO visitou o museo municipal Quiñones de León. Alí percorreron a sala dedicada á prehistoria. Despois pasearon polos xardíns do pazo, viron a primeira pista de tenis de Vigo e os enormes eucaliptos plantados en 1872 (posiblemente os máis antigos de Galicia). Foi necesario que se unisen nove rapaces para rodear unha destas árbores.
O alumnado de 2.º e 3.º da ESO visitou a cidade de Pontevedra. A primeira parada foi o Museo de Pontevedra. Alí, o grupo de 3.º participou nunha visita guiada polas salas dedicadas a Castelao, e o grupo de 2.º coñeceu os fondos arqueolóxicos, desde o Paleolítico ata os romanos. Despois pasearon pola zona vella da cidade e coñeceron algunhas das súas prazas.
Esta semana, o alumnado de 1.º e 2.º da ESO foron ver a obra de teatro Veinte mil leguas de viaje submarino.
Parte do noso alumnado de 4.º da eso está vivindo unha experiencia lingüística grazas ao Programa de Inmersión en Lingua Inglesa, Vigo en inglés, do Concello de Vigo. Gozade desta oportunidade!
O curso vai avanzando e os nosos maiores do colexio pasaron varios días en Diver Lanhoso como viaxe de fin de etapa. Certamente, foron unhas xornadas de convivencia repletas de actividades que non esquecerán.
