Home Posts tagged "concello de Vigo"

Tag Archives: concello de Vigo

Obradoiro de regueifas

O xoves, o alumnado de 2.º da ESO puido gozar dun Obradoiro de regueifas, guiado polos improvisadores Luís o Caruncho e Pinto d’Herbón. Coñeceron a orixe das regueifas, os lugares do mundo onde está presente (coas súas diferenzas) e como é o proceso de creación destas coplas. E, por suposto, foron creando as súas coplas e tamén cantándoas, acompañados da zanfona. Agora están á espera da segunda sesión, na que terán que poñer en práctica todo o aprendido. A ver—

Ler máis

Concurso Cíes, o paraíso de todos

Hoxe vimos cunha nova moi leda, o grupo de 2.º ESO B gañou na categoría de vídeo grupal de 1.º e 2.º da ESO o premio da VII edición do concurso Cíes, o paraíso de todos. Deixámosvos o vídeo a continuación, para que poidades velo: Só puido acudir un pequeno grupo para recoller o premio, a causa das medidas derivadas da situación sanitaria actual, pero deixámosvos algunha imaxe do acto. E agora só nos queda pensar na data para gozar—

Ler máis

Día da Muller e a Nena na Ciencia

A propósito da celebración do Día da Muller e a Nena na Ciencia, o noso alumnado de 2.º da ESO puido participar nuns obradoiros organizados polos servizos de Normalización Lingüística e Igualdade (concello de Vigo). O obxectivo destes obradoiros era dar a coñecer as contribucións de mulleres científicas, ademais de poñer en valor o uso da lingua galega no ámbito das ciencias. A xornada transcorreu con moita emoción por parte do alumnado, moi motivado nas materias científicas. Podedes comprobalo xa—

Ler máis

3.º e 4.º de primaria visitan a Villa Romana de Toralla

Os grupos de 3.º e 4.º de educación primaria visitaron o Centro de Interpretación do Mundo Romano de Vigo.

Este espazo pretende achegar ao noso alumnado a historia da nosa cidade, a través de diferentes recursos, como reconstrucións, maquetas ou debuxos.

Os nenos e nenas, acompañados duns expertos arqueólogos, percorreron estes espazos, e achegáronse así ao mundo romano e puideron coñecer a súa influencia na nosa cidade, como por exemplo a súa economía baseada na pesca. Deste xeito, reforzaron os coñecementos traballados previamente na aula, e aprenderon outros novos.

Tamén puideron gozar dun paseo polo xacemento arqueolóxico situado ao seu carón, a Villa Romana de Toralla, onde se pode ver a propia villa e a salina, vinculados ás actividades da pesca e salgadura.

Así transcorreu a xornada:

Seguro que moitas familias aínda non visitastes este marabilloso espazo que temos na nosa cidade, e agora teredes uns magníficos guías!

En 1.º da ESO comezan a investigar

O grupo de 1.º da ESO tivo a oportunidade de participar no obradoiro “A miña primeira investigación”, actividade ofertada a través do Servizo de Normalización Lingüística do Concello de Vigo.

A finalidade deste obradoiro é a de presentarlle ao alumnado o método científico dunha forma experimental. Os monitores do taller trouxeron moito material e, partindo deste e dunha serie de explicacións, o alumnado tivo que descubrir a orixe dun problema.

Programa Vigo en inglés

O noso colexio participa un ano máis no programa de inmersión en lingua inglesa “Vigo en inglés”, impulsado desde o Concello de Vigo.

As nosas alumnas xa partiron cheas de emoción por afianzar os seus coñecementos de inglés e coñecer unha cultura diferente da nosa. Gozarán de tres semanas de experiencias, nunha escola nova e acompañadas dunha familia.

Só vos desexamos que aproveitedes esta viaxe!