Visita de 2.º da ESO á Biblioteca Xosé Neira Vilas

Esta semana o grupo de 2.º da ESO visitou a Biblioteca Xosé Neira Vilas. É unha saída que gusta moito ao alumnado, xa que sempre lles presentan unha temática interesante e unha chea de referencias bibliográficas para achegarse despois a elas. Este curso a temática son as Olimpíadas, xa que se van celebrar o próximo ano 2020.

Recibiunos a bibliotecaria Mar, que nos falou un pouco sobre como facernos socios da biblioteca e dos servizos que teñen dispoñibles. Demos unha volta pola biblioteca e xa nos dispuxemos a entrar no mundo fantástico dos libros e a literatura da súa man.

Mar fixo un percorrido a través de diferentes obras literarias para presentarnos a historia das Olimpíadas, coñecemos diferentes deportes, novos deportes que estarán presentes nas probas do 2020 e moitas anécdotas destas últimas celebracións.

A seguir, foi a quenda dos alumnos e alumnas, de participar na actividade que lles tiñan preparada.

Primeiro, tiveron que pasar unha proba de mímica deportiva:

A continuación, xogaron a un tabú do ámbito dos deportes:

E, para rematar, tiveron que descifrar uns xeroglíficos relacionados co mundo deportivo:

Non todos os equipos gañaron, pero si todos participaron e todos o pasaron fenomenal, ademais de aprender un pouco máis sobre os deportes e as Olimpíadas.

Así de felices nos despedimos ata o próximo ano!

 

Matemáticas na rúa

Os alumnos/as de 3º ESO participaron como monitores nos obradoiros de Imatxina na rúa que organizou a Fundación Escola Rosalía e que  tiveron lugar no centro comercial A Laxe durante a mañá do sábado. Moitos foron os nenos/as e adultos que se achegaron para tratar de resolver os xogos de estratexia que se lles presentaban, algúns deles bastante complicados. Grazas aos participantes por contribuír a achegar as matemáticas a todos os públicos.  

Programa Vigo en inglés

O noso colexio participa un ano máis no programa de inmersión en lingua inglesa “Vigo en inglés”, impulsado desde o Concello de Vigo.

As nosas alumnas xa partiron cheas de emoción por afianzar os seus coñecementos de inglés e coñecer unha cultura diferente da nosa. Gozarán de tres semanas de experiencias, nunha escola nova e acompañadas dunha familia.

Só vos desexamos que aproveitedes esta viaxe!

Os leonciños visitan a Fundación Sales

Os nosos leonciños tamén tiveron a súa saída de fin de curso. Este ano visitaron a Fundación Sales, espazo digno dos mellores soños, que podemos atopar na nosa cidade. Estes rapaces tiveron a oportunidade de pasear por estes xardíns, entre bambús, e recoñecer numerosas especies vexetais. E tamén tiveron tempo de participar nun obradoiro de plantación e traer consigo unha pequena planta para coidar nas súas casas. Os nosos leonciños e leonciñas regresaron do mellor conto de fadas da nosa—

Ler máis

Visita da ESO aos museos coruñeses

Dicía Galileo que a Natureza está escrita en liguaxe matemática e que se non coñecemos esta linguaxe vagamos por un escuro labirinto. Os alumnos da ESO tiveron o pracer de poder ver e experimentar o que sabemos sobre a enerxía, as forzas da Terra, a evolución ou a percepción na Domus e na Casa das Ciencias da Coruña. Tamén viaxaron a outras latitudes (subiron de Vigo, a 42,23ºN, ata A Coruña, a 43,37ºN; en total, máis dun grao de meridiano),—

Ler máis

Excursión de fin de curso de primaria

O pasado venres, o alumnado e profesorado de Educación Primaria marchamos de excursión de fin de curso ao Ecoparque de Marín. Alí dividímonos en dous grupos. Os máis pequenos (1.º e 2.º) tiveron a oportunidade de pasar un divertido anaco coas eguas que alí viven. Déronlles de comer, peiteáronas e, despois, deron unha pequena volta. Convertéronse en auténticos xinetes e amazonas. Logo, fixeron unha xincana polo parque. Os alumnos de 3.º, 4.º, 5.º e 6.º realizaron un circuíto arbóreo. Nel,—

Ler máis