Aprendemos sobre seguridade informática

Os nosos maiores participaron nun obradoiro sobre seguridade informática e hacking ético, organizado polo Servizo de Normalización Lingüística do Concello de Vigo. O relator, Kike Fontán, cunha linguaxe moi próxima para o alumnado, tratou temas moi actuais relacionados coa seguridade informática. Falou con eles de ciberseguridade, descubriron comportamentos perigosos que manteñen ao usar as redes sociais e descubriron as medidas de seguridade que deben tomar cando empregan un dispositivo electrónico. Así  mesmo, incidiu na importancia de preservar a identidade virtual e—

Ler máis

Cambiando estereotipos

O noso alumnado de 4.º da ESO participou no obradoiro de igualdade “Mozas e mozos cambiando estereotipos”, organizado polo Concello de Vigo. Neste obradoiro, traballaron contidos como os estereotipos e roles de xénero, a violencia simbólica, o ciberacoso, control e ciberviolencia en redes, as violencias sexuais ou o empoderamento. Os nosos alumnos e alumnas volveron coas ideas aínda máis claras do que xa as tiñan. Os programas de igualdade sempre son positivos para reforzar actitudes e comportamentos positivos e necesarios.

Celebramos Samaín! Parte I

Por fin chegou un dos días máis esperados do curso, a celebración do Samaín! Unha festa moi ligada á nosa cultura e, que os nosos pequenos desfrutan moito. Este ano tivemos no cole (unha vez máis) o marabilloso concurso de cabazas, no que hai sempre unha grande participación. Grandes, pequenas, monstruosas, con purpurina e ata con cara de robot! Aquí a imaxinación é o mellor aliado. A continuación podedes ver ás gañadoras do concurso de 1º, 2º e 3º de—

Ler máis

Día da biblioteca escolar. Concurso “Ponlle cara á nosa mascota Leo”

Como xa vos adiantaramos, o pasado xoves foi o día da biblioteca escolar. Este ano conmemórase baixo o lema “Biblioteca escolar: viveiro de cidadanía”. Nesta importante data, desenvolvemos a primeira fase do concurso “Ponlle cara á nosa mascota Leo”, para atopar a nosa mascota da biblioteca. O alumnado de 3.º, 4.º, 5.º e 6.º de educación primaria participou nun xogo de pistas. Organizados en equipos e facendo uso do material bibliográfico e dixital da biblioteca escolar, foron resolvendo os diferentes—

Ler máis

Xogamos co galego. (Parte II)

Como xa tivestes a oportunidade de ver na web, os rapaces e rapazas de 2º de Primaria, están facendo distintas actividades relacionadas co uso do noso idioma. Nesta ocasión, a temática son os oficios. Tiñan que relacionar a imaxe coa palabra en galego. Tamén estivemos conversando sobre a profesión á que se queren dedicar de maiores. Desde pintores, mestres ou deportistas… O importante é esforzarse e estudar moito para conseguilo!!