O grupo de 1.º da ESO visitou o museo municipal Quiñones de León. Alí percorreron a sala dedicada á prehistoria. Despois pasearon polos xardíns do pazo, viron a primeira pista de tenis de Vigo e os enormes eucaliptos plantados en 1872 (posiblemente os máis antigos de Galicia). Foi necesario que se unisen nove rapaces para rodear unha destas árbores.
O noso alumnado participou no Concurso de redacción e poesía que organiza todos os anos a Asociación de Veciños de San Roque polo Día das Letras Galegas. Aquí vos amosamos algunhas imaxes da entrega de premios con algúns dos nosos alumnos premiados. Parabéns!
O alumnado de 3.º de educación primaria está a manter estes días o seu primeiro contacto cos circuítos eléctricos e electrónicos. Grazas ao kit de iniciación á electrónica, proporcionado polo proxecto Polos Creativos, o alumnado afondou nos contidos traballados de materiais condutores e illantes, e nos conceptos básicos como a polaridade, que son a base da circulación da enerxía. Practicaron como crear un circuíto electrónico pechado, comprenderon a diferenza cos circuítos abertos, manipulando directamente cos compoñentes kit sobre a placa,—
Queremos compartir con vós a emisión do programa da Gala de Premios Dígocho Eu. O noso colexio foi finalista. Desta volta, non trouxemos o trofeo para a casa, pero si a ledicia de pasar unha tarde con Esther Estévez e con Óscar Cruz. Se premedes a continuación, poderedes ver o programa: gala.
O alumnado de 2.º e 3.º da ESO visitou a cidade de Pontevedra. A primeira parada foi o Museo de Pontevedra. Alí, o grupo de 3.º participou nunha visita guiada polas salas dedicadas a Castelao, e o grupo de 2.º coñeceu os fondos arqueolóxicos, desde o Paleolítico ata os romanos. Despois pasearon pola zona vella da cidade e coñeceron algunhas das súas prazas.
O 17 de maio celébrase o Día das Letras Galegas. Este ano dedícaselles ás cantareiras, como mantedoras das nosas letras e transmisoras das cantigas populares. Traballamos a figura destas mulleres a través da escoita, lectura e decoración de cantigas. Algúns grupos compartiron cantigas: Tamén aproveitamos esta xuntanza para repartir os premios do Concurso de Redacción e Poesía e dos retos da lingua, organizados polo EDL; así como o premio do reto matemático, organizado polo Equipo da Biblioteca. O noso alumnado—
