Queremos amosarvos como traballan os nosos leonciños e leonciñas. Hoxe traballaron cos números: fixeron trazos, ordenaron as cifras e mesmo as saltaron!
Esta semana os grupos de 3.º e 4.º da ESO visitaron o Museo Liste. É un museo etnográfico que amosa nas súas salas aspectos relacionados cos oficios, os tecidos, os cereais, a luz ou a arte de curar. Tras a visita, o noso alumnado participou do obradoiro “Enigma”, a través do que coñeceron diferentes códigos, mensaxes cifradas, xeroglíficos… que puxeron en práctica nunha xincana.
O día 23 de febreiro celébrase o Día de Rosalía de Castro. No colexio non quixemos deixar pasar esta data e realizamos diversas actividades ao redor da figura da nosa escritora. O grupo de 1.º de primaria interpretou en lingua de signos “Adiós ríos, adiós fontes”: En 2.º da ESO interpretaron algúns versos en galego e tamén nas súas linguas maternas, amosando que Rosalía é mundial: O grupo de 6.º de primaria recitou o poema “Adiós ríos, adiós fontes”: E—
Con motivo da conmemoración do Día da Muller a Nena na Ciencia, os grupos de 2.º e 3.º da ESO visitaron o Museo do Mar, onde participaron na actividade “Un mar de mulleres”. Puideron coñecer a realidade da industria conserveira e o papel da muller no traballo relacionado co mar. E, para rematar, visitaron o acuario.
Hoxe os alumnos e alumnas de 5º e 6º ep recibiron a visita de Iria Misa. Veu falarlles do seu libro “Unha veciña de película”, que leran na materia de Lingua Galega. Neste rato tan divertido os rapaces e a autora intercambiaron preguntas, opinións e curiosidades sobre a obra. Ao rematar, Iria, moi amablemente, asioulles os libros. Os nenos e nenas, a cambio, entregáronlle un bloc cuns debuxos que lle fixeron. Moitas grazas pola visita, Iria!
Onte, os alumnos e alumnas de 6º de infantil, 2º, 4º e 6º de primaria asistiron a uns obradoiros do Concello nos que aprenderon sobre a importancia da igualdade de xénero. Desde que non hai diferezas entre xoguetes de nenos e xoguetes de nenas, pasando por grandes deportistas femininas, ata a análise de distintas profesións asociadas a un xénero ou a outro. Que importante é este tipo de formación nos nosos pequenos/as!
Día do Ensino - Non lectivo
Día da Infancia