Esta semana celebramos o Magosto no cole. Ademais das actividades que realizamos na clase para aprendermos máis sobre a nosa cultura e tradición, fixemos moitos xogos no patio. Por suposto, as castañas asadas non puideron faltar. Estaban boísimas! A continuación tedes un vídeo resumo do día.
No Quiñones de León xa puxemos en funcionamento o noso punto lila, como espazo de información sobre temas de igualdade. Como a lectura será o que nos faga libres, este punto está situado na biblioteca.
Neste segundo obradoiro de regueifas acompañounos o Pinto d’Herbón. Ao igual que con Caruncho, sabiamos que sería unha xornada única. O noso alumnado, xa máis preparado, foi improvisando as súas coplas. E só podemos dicir: Medre a regueifa!!
Como ben sabedes, o pasado 30 de outubro celebramos a tradicional festa de Samaín. Lonxe da orixe desta tradición celta, coa que se celebraba o final do verán, hoxe celébrase en todo o mundo grazas á súa expansión desde países anglosaxóns. No noso caso, sempre con carácter voluntario, centrámolo nunha xornada de convivencia con actividades lúdicas, concursos e talleres. Desde 1º a 6º de Primaria, o noso alumnado de Primaria realizou, entre outras cousas, un taller culinario de maneira colaborativa—
Estes días, nos que celebramos o Samaín, o alumnado de educación infantil recibiu a visita dalgúns compañeiros e compañeiras de secundaria que querían contarlles un conto. O álbum elixido foi Queda sitio na vasoira? Despois, ao igual que fixo a meiga, os nosos pequenos e pequenas prepararon a súa pócima, recitaron o seu conxuro e conseguiron que aparecesen uns doces.
O grupo de 4.º da ESO participou no programa educativo Iniciación segura á pegada dixital e ás redes sociais. Aprenderon o significado e a importancia da identidade dixital e a pegada dixital, así como algunhas nocións sobre seguridade nas redes sociais. Agora só lles queda poñer en práctica o aprendido.
Nadal - Non lectivo
Día Escolar da Non Violencia e da Paz