Este curso os alumnos e alumnas de 3º da ESO gravaron por parellas ou grupos un podcast, un true crime. Foi unha experiencia moi divertida coa que se traballaron na aula as habilidades orais, a creatividade, a aprendizaxe autónoma e a competencia dixital.
Aquí tedes unha pequena mostra: arquivo de audio.
E por fin chegou o día da entrega de premios Faro da Escola 2023! Despois de tanto esforzo e traballo durante o curso, chega o día onde se recoñece a labor de alumnado como xornalistas e redatores do noso proxecto Faro da Escola, no que participamos por oitava vez. Houbo moitos nervios nos momentos previos, e moita emoción pero aquí están a distincións que gañamos: – 2° premio “Vitrasa” – 1° premio “Concello de Vigo” – Premio especial “In memoriam”—
O curso xa está chegando á súa fin e o alumnado de secundaria saíu pasar unha xornada de convivencia ata o parque de aventuras Marikiná Park. Nun espazo natural incrible, atravesaron pontes colgantes, lanzáronse en tirolinas, saltaron con lianas… e fixeron medrar os seus vínculos de amizade. Despois desta intensa mañá, fomos ao parque forestal de Beade onde xa puideron descansar.
Co lema: “Na casa, na escola, bota a lingua fóra”, arrincou este ano o Correlingua. Quixemos participar na regueifa colectiva que propuxeron, así que vos deixamos a seguir o vídeo para que vexades a arte do noso alumnado e da rapazada doutros centros escolares:
