Esta semana o alumnado participou no II Obradoiro de Regueifas, actividade impulsada polo Servizo de Normalización Lingüística do Concello de Vigo e a Asociación Oral de Galicia. Nesta xornada, o noso alumnado traballou a improvisación oral, acompañados polos regueifeiros Pinto e Caruncho, que lles amosaron técnicas e recursos propios da regueifa. Agora seguiremos ensaiando ata a data do certame.
O 21 de febreiro celébrase o Día da Lingua Materna. Quixemos presentar nesta data a nosa autora Rosalía de Castro en diferentes linguas do noso alumnado, porque Rosalía é mundial.
O gran regueifeiro Luis O Caruncho visitounos para impartir un obradoiro de regueifas, organizado polo SNL do Concello de Vigo e a Asociación Oral de Galicia. Caruncho viaxou co noso alumnado ao redor do mundo para amosar outras formas de poesía improvisada, descubriulles a orixe das regueifas e ensinoulles a construílas. Despois animounos a que improvisasen as súas coplas e cantaron todos xuntos.
Este xoves quedamos no club de K-pop. Foi unha tarde de ensaios e random dance. Tamén fixemos fotografías e vídeos. E, coma sempre, o mellor foi o ambiente! Estamos organizando a próxima quedada, moi pronto darémosvos máis información. Animádevos a vir!
O alumnado de 3º e 4º ESO participou o venres 6 de febreiro na actividade Mulleres na ciencia, na aula de Naturnova, para coñecer, de preto, o labor dalgunhas pioneiras das distintas ramas da ciencia e, de paso, aprender un pouco da terra, da vida e do espazo.
Xa temos data para o próximo encontro dos kpoppers: Xoves, 5 de febreiro. De 16:00 a 17:00 horas, aproximadamente. No noso colexio. Seguiremos cos ensaios, random dance e, por suposto, bo ambiente! Podes avisarnos neste formulario se vas asistir: irei á quedada. Non faltes!
