-
Últimas entradas
Oferta educativa e Normativa
Servizos
Documentos do profesorado
Departamentos e Equipos
Etiqueta: regueifas
II Obradoiro de regueifas
Esta semana o alumnado participou no II Obradoiro de Regueifas, actividade impulsada polo Servizo de Normalización Lingüística do Concello de Vigo e a Asociación Oral de Galicia. Nesta xornada, o noso alumnado traballou a improvisación oral, acompañados polos regueifeiros Pinto e Caruncho, que lles amosaron técnicas e recursos propios da regueifa. Agora seguiremos ensaiando ata a data do certame.
I Obradoiro de regueifas
O gran regueifeiro Luis O Caruncho visitounos para impartir un obradoiro de regueifas, organizado polo SNL do Concello de Vigo e a Asociación Oral de Galicia. Caruncho viaxou co noso alumnado ao redor do mundo para amosar outras formas de poesía improvisada, descubriulles a orixe das regueifas e ensinoulles a construílas. Despois animounos a que improvisasen as súas coplas e cantaron todos xuntos.
En primaria, regueifamos!
Esta semana, o alumnado de 5.º de Primaria tivo a sorte de poder gozar da compañía dos grandes regueifeiros Caruncho e Pinto. Explicáronnos a orixe das regueifas e amosáronlle ao alumnado a existencia desta arte de improvisación en todo o mundo. Despois, acompañados polo son da zanfona, crearon coplas e tamén as cantaron. Coma sempre, esta é unha actividade chea de humor, risas e o mellor ambiente! Este foi só un primeiro achegamento a esta arte de improvisación oral, pero haberá máis. Parabéns!
II Obradoiro de regueifas
Esta semana volveron visitarnos Pinto e Caruncho, grandes regueifeiros, para seguir traballando coa rapazada na arte da improvisación oral. A sesión comezou rompendo o xeo, presentándose, cantando sobre o que lles gusta… para rapidamente pasar a crear as súas coplas e a cantalas. Nunhas semanas haberá representación do Quiñones no Certame de regueifas.




