O 23 de abril celébrase o Día do Libro e nós non quixemos deixar pasar esta data tan importante. Realizamos diferentes actividades ao longo de dúas semanas: lecturas compartidas, contacontos, creación de marcapáxinas, recomendacións literarias… Velaquí tedes unha pequena mostra do traballo desenvolvido, só tedes que premer no seguinte texto: actividades polo Día do Libro. Animámosvos a seguir voando e imaxinando coas mellores lecturas!
Unha sociedade madura debe desterrar vellos tabús e explicar a realidade sen eses medos que son a primeira causa de mitos, ideas erróneas e pensamentos únicos. E así, con palabras claras e respectuosas, sen chíos nin descalificacións, aprendemos algunhas ideas sobre sexualidade fóra dos contornos habituais de (des)información. A sexóloga Sonia Morán, do centro Quérote+ de Vigo, dependente da Consellería de Política Social da Xunta, falou sobre o tema ao alumnado de 3º e 4º. E como para comprender hai—
Os navegantes antigos, que tamén somos nós, guiábanse polas estrelas, que parecían ser sempre as mesmas porque os mares tamén o eran. Houbo que cambiar a perspectiva e, de súpeto, apareceron novas figuras no ceo. Na ciencia, o ollo do navegante é tan importante como a propia Natureza, sempre esquiva como xa intuíron os escépticos gregos. Na Semana da Ciencia abrimos un pouco máis eses ollos e cambiamos un pouco de posición para entender vellos feitos con miradas novas. En—
Tal e como vos indicamos na anterior entrada da páxina web, aquí temos a segunda parte do noso traballo “Xogos de lingua”. Queremos que gocedes co vídeo tanto como o fixo o noso alumnado aprendendo os trabalinguas e coñecendo as linguas dos seus compañeiros e compañeiras. Agora só nos queda seguir transmitindo e espallando as nosas linguas propias, para xogar, para aprender, para comunicármonos, para amosar a nosa realidade. Podedes premer a seguir e comezará o vídeo: Xogos de lingua—
O Equipo de Dinamización Lingüística do colexio lanzou unha proposta a todo o alumnado do centro para poñer en valor as súas linguas maternas. Debían compartir un trabalinguas, unha frase feita, un recitado… na lingua da súa casa. Agora imos amosarvos a primeira entrega destes “Xogos de lingua”. Esperamos que vos guste. Xogos de lingua I En breve, poderedes ver o resto dos participantes.
Semana Santa - Non lectivo
Probas de pendentes de ESO
Semana do Libro