O equipo de traballo dos polos creativos xuntouse hoxe para traballar con automatismos. Estes foron os resultados: E funcionan! Seguiremos compartindo os avances desta formación, que esperamos poder implementar co alumnado moi pronto.
Con motivo da conmemoración do Día da Muller a Nena na Ciencia, os grupos de 2.º e 3.º da ESO visitaron o Museo do Mar, onde participaron na actividade “Un mar de mulleres”. Puideron coñecer a realidade da industria conserveira e o papel da muller no traballo relacionado co mar. E, para rematar, visitaron o acuario.
O alumnado de 1.º da ESO traballa na materia de Lingua castelá co xénero xornalístico a través do programa La Voz de la Escuela, programa impulsado por La Voz de Galicia.
Para o novo trimestre, gustaríanos propoñer a todas as familias unha nova extraescolar para o noso alumnado: taller de creatividade. Se premedes na imaxe, aparece o formulario para facer a inscrición.
Queremos compartir con todas as familias o novo blog da biblioteca do colexio. Podedes visitalo na seguinte ligazón: https://bibliotecacolexioquinonesdeleon.blogspot.com/
Tras dous obradoiros cos mestres da regueifa Luis O Caruncho e Pinto d’Herbón, e as xuntanzas do grupo de regueifeiros e regueifeiras do Quiñones de León, acudimos ao IV Certame Escolar Provincial de Regueifas, grazas á organización da Deputación de Pontevedra, a Asociación ORAL de Galicia e ao CVC de Valadares. Alí compartimos unha xornada entre versos improvisados, risas e aplausos. Estamos orgullosos do noso alumnado, pola súa dedicación e por todo o que amosaron enriba do escenario! E tamén—
