Algunhas das nosas alumnas de 4.º da eso están a participar no Programa de Inmersión en Lingua Inglesa, impulsado polo Concello de Vigo. Durante a súa estadía, ademais de saídas e excursións, teñen a oportunidade de asistir a un centro escolar. É unha oportunidade óptima para mellorar o seu dominio da lingua inglesa e afondar nunha nova cultura.
Para mellorar a coordinación, o equilibrio, os reflexos e a concentración, ofrecemos a actividade de baile moderno. Aínda quedan prazas libres. Só hai que premer sobre a propia imaxe para inscribir o alumnado.
Aínda estades a tempo de anotarvos nas actividades extraescolares. Se premedes na imaxe, xa vos podedes anotar.
Xa estamos a organizar este novo curso e queremos propoñer algunhas actividades extraescolares para o alumnado do centro. Este curso as actividades chegarán da man de Cocofante. Estamos seguros de que resultarán un bo complemento para a formación dos rapaces e rapazas. Podedes premer sobre a primeira imaxe para inscribirvos ou a continuación: ACTIVIDADES.
Este curso 2022-2023 xa está chegando á súa fin e, como todos os cursos nesta época, o alumnado de 4.º da ESO celebra a graduación. Como lles transmitimos ese día o profesorado: unha nova viaxe comeza para eles, pero sen esquecer que aquí sempre terán a súa casa, á que poden regresar. O alumnado tamén compartiu con toda a comunidade educativa un vídeo e unhas palabras que gardaremos para sempre no noso recordo. Desexamos que esta nova etapa vos traia—
O curso xa está chegando á súa fin e o alumnado de secundaria saíu pasar unha xornada de convivencia ata o parque de aventuras Marikiná Park. Nun espazo natural incrible, atravesaron pontes colgantes, lanzáronse en tirolinas, saltaron con lianas… e fixeron medrar os seus vínculos de amizade. Despois desta intensa mañá, fomos ao parque forestal de Beade onde xa puideron descansar.
