O alumnado de 4.º da ESO quere presentarvos o seu último traballo relacionado cos últimos días de Pompeya, realizado na materia de Cultura Clásica. Desexamos que vos guste tanto coma a eles. Só tedes que premer na seguinte ligazón: O último día de Pompeya
O grupo de 4.º da ESO asistiu hoxe á VI Edición da Feira de Ensinanzas Artísticas e Profesionais, que se celebrou no Auditorio Mar de Vigo. Aquí puideron informarse sobre distintas oportunidades formativas que existen en Vigo. Así coñeceron cursos, ciclos e graos aos que poden acceder relacionados con múltiples ámbitos: idiomas, deseño gráfico, deseño web, auxiliares de voo, xoieiría, música, comercio internacional…
Hoxe o noso alumnado de 1.º e 2.º da ESO desprazouse ata o Auditorio Mar de Vigo para participar nos obradoiros didácticos de IMATXINA. Traballaron con tangráns, pentaminós e hexamantes, policubos, espellos, xogos de estratexia, actividades coa calculadora, resolución de problemas, estatística e ilusións ópticas. As actividades manipulativas son un gran xeito de aprender!
Esta semana tivemos connosco de novo a visita dos regueifeiros Luis O Caruncho e Pinto de Herbón. Esta segunda sesión serviu para traballar dun xeito máis próximo co alumnado, que, entre risos, comezou a cantar sobre o seu nome, a súa procedencia, os seus gustos… Estes primeiros momentos serviron para romper o xeo, xa que rapidamente pasaron a gozar do momento coa improvisación. E así queremos compartir estes momentos con todos e con todas vós: Houbo coplas para Pinto e—
O venres 21 de febreiro toda a comunidade educativa celebrou o Entroido, que tivo como elemento motivador as lendas galegas. Os alumnos e alumnas de educación infantil e primaria desfilaron polas rúas do barrio do Calvario vestidos como fadas, trasnos, xacios e xacias, mouros e mouras, meigas, diaños, gatipedros e outros seres máxicos relacionados coa nosa natureza. Neste paseo, non faltaron tamén algúns compañeiros e compañeiras de secundaria, así como profesores e familiares do alumnado. Xa de volta—
Parte do noso alumnado da ESO tivo a oportunidade de achegarse ao mundo da improvisación oral en verso da man dos grandes regueifeiros Luís O’Caruncho e Pinto de Herbón. Comezaron rompendo o xeo cos rapaces e rapazas, explicándolles como fixándose nalgún detalle que os rodea xa poden deixar medrar as palabras. E así o fixeron para deleite de todos os asistentes: A seguir, explicáronnos a orixe das regueifas e a súa presenza en distintos lugares do mundo. E así, pouco—
