O reto 2 foi superado. O EDL do colexio quere amosarvos que ben pronuncian os trabalinguas. Aínda estás a tempo de participar nos restantes retos. Anímate!
Atención! Chega o último reto, o sexto! Este reto está destinado para o alumnado a partir de 2.º da eso, pero tamén para as familias que así o desexen e o profesorado. Observade o vídeo:
Esta semana, o alumnado de 5.º de Primaria tivo a sorte de poder gozar da compañía dos grandes regueifeiros Caruncho e Pinto. Explicáronnos a orixe das regueifas e amosáronlle ao alumnado a existencia desta arte de improvisación en todo o mundo. Despois, acompañados polo son da zanfona, crearon coplas e tamén as cantaron. Coma sempre, esta é unha actividade chea de humor, risas e o mellor ambiente! Este foi só un primeiro achegamento a esta arte de improvisación oral, pero haberá máis. Parabéns!
O Equipo de Dinamización da Lingua do colexio quere compartir o resultado da participación no reto 1: as adiviñas. Non deixedes de participar nos seguintes retos. Esperamos os vosos vídeos!
A semana pasada participamos no XIV Certame Escolar de Regueifas do Concello de Vigo. Alí fomos co noso club de regueifeiras e regueifeiros, xunto a outros centros de secundaria de Vigo. Con Pinto e con Caruncho, como mestres da celebración, a mocidade amosou os seus dotes nesta arte de improvisación. Unha das nosas alumnas pasou a primeira rolda, así que seguiremos practicando para os próximos certames. Parabéns a toda a rapazada!
Esta semana un grupo de secundaria visitou a Biblioteca Xosé Neira Vilas. Amosáronlles como está organizada a biblioteca e todo o que alí poden facer. O tema da visita este curso é “o libro”, así que coñeceron os diferentes axentes que existen ao redor dos libros, libros sobre libros e remataron a visita elaborando cadanseu libro.
