A semana pasada visitounos Lupe Blanco, unha gran regueifeira que acompañou o noso alumnado de secundaria na arte da improvisación oral. Seguiremos os teus consellos para crear as nosas coplas!
O noso grupo de regueifeiras e regueifeiros participou no XIII Certame Escolar de Regueifas. Sentímonos orgullosas deste equipo, que subiu ao escenario con alegría e conseguiu un 2.º posto moi doce… Podedes ver un resumo do certame neste vídeo: XIII Certame Escolar de Regueifas.
Tras dous obradoiros cos mestres da regueifa Luis O Caruncho e Pinto d’Herbón, e as xuntanzas do grupo de regueifeiros e regueifeiras do Quiñones de León, acudimos ao IV Certame Escolar Provincial de Regueifas, grazas á organización da Deputación de Pontevedra, a Asociación ORAL de Galicia e ao CVC de Valadares. Alí compartimos unha xornada entre versos improvisados, risas e aplausos. Estamos orgullosos do noso alumnado, pola súa dedicación e por todo o que amosaron enriba do escenario! E tamén—
Neste segundo obradoiro de regueifas acompañounos o Pinto d’Herbón. Ao igual que con Caruncho, sabiamos que sería unha xornada única. O noso alumnado, xa máis preparado, foi improvisando as súas coplas. E só podemos dicir: Medre a regueifa!!
A semana pasada o grupo de 1.º da ESO puido coñecer o gran regueifeiro Luis O Caruncho. Aprenderon sobre a orixe das regueifas e a súa presenza en diversos países. E tamén cantaron e crearon as súas propias coplas. Agora estamos impacientes a que chegue a data da seguinte sesión!
O alumnado de 5.º e 6.º de primaria recibiu a visita dos regueifeiros Pinto e Caruncho. Ensináronlle ao noso alumnado a orixe das regueifas, a súa presenza ao longo do planeta e como se compoñen estas coplas, acompañados do son da zanfona. Despois déronlles algunhas directrices para que puidesen atreverse a facer as súas primeiras coplas e… aquí hai futuro!! Cantaron todos xuntos e despois tamén se atreveron a facelo de xeito individual. Este foi só un primeiro achegamento a—
Día do Ensino - Non lectivo
Día da Infancia